好玩之必要 生活很平淡，好玩就好。 設部落格，寫作，旅行，畫圖，練書法等等，都是出於好玩。 好玩就玩，不好玩就不玩。 隨緣。

332愛的鼓勵 12訂閱站台

          

半暝醒起來，看著地板一幅現代的圖。

月娘共花窗和窗台頂的一排虎尾蘭翕（hip，照）相呢。

撥工落眠床，倚去窗仔邊看天頂，雖然毋是圓圓的滿月，毋過十五敢若過無幾日，月娘猶真光。

才看一時仔，一片薄薄的雲煞徙過來共月娘的面閘（遮）起來；越頭看，地板彼幅圖也收起來矣。

欲看著月娘翕的相，機會其實真少；著拄好 （tú-hó，恰巧）我房間的窗仔無關、窗仔簾開開，嘛著伊半暝經過遮（ tsia，這兒）的時，我拄好精神（醒來），閣去看地板。按呢講起來，得「因緣俱足」才看會著啊。

既然這暝有緣，我想欲共月娘參詳一下，這陣全世界攏咧流行「自翕」，是毋是會當予我看著你「自翕」的相？

原載2016.8.31《聯合報》副刋