我係一個好相信星座的人
並唔係星座本身 而係我覺得星座其實係一門統計學
我覺得我係最典型的人馬座…
唯一有一樣野 我覺得係唔準的…
也許 我係唔想佢準！
我好想我自已係一個專一 用情專一的人
但係我控制唔到自已的感覺
我開始想放縱自已 活在最美麗的沉淪裡面…
其實我一直都好鐘意用沉淪呢個詞語
因為我好鐘意沉淪呢種感覺
有一首歌 叫做反高潮 其中有一句歌句講到:
矛盾漸進 就已是沉淪
佢完完全全咁解釋左 乜野係沉淪
我愛上放縱自已的感覺 我喜歡做一個壞人的感覺
但我唔想傷害任何人 而事實上 我已經傷害左三個人……
哈哈哈……好一句沉淪！
我前日睇到王家衛執導的一套舊戲 叫做東邪西毒
梁家輝響入面講左一句說話 佢話：
得唔到的野永遠都係最靚！
唔知你覺得岩唔岩呢？
我覺得呢句話係真的…
得唔到的野 永遠都唔可以去了解佢 唔會知道佢最壞的一面
響心裡面 就只有最靚 最靚的回憶
我鐘意呢個感覺 但感覺始終都係感覺
現時擁有的野 先至係最實在 真真正正的擁有
我眼前的一切 似乎都係幻像
我好想珍惜我依家擁有的一切 擁抱我最了解的你！
我雖然兩隻腳都踏著左虛無飄渺的空氣…
但係我無跌到落去呢個沉淪的深淵…
因為仍然有你捉住我隻手！
你願唔願意拉返我上去？
文章定位：
