星期六晚,老豆俾我細佬call白車入左醫院
因為水腫,心臟跳得唔穩定,血壓高
其實佢肯乖乖食藥,肯聽醫生同屋企人講
飲少d水,戒啤酒,小心食野.........根本問題就唔係太大
最少不致於,要入院留醫
我知道既時候,已經係第2日,坐緊車過海
打得好累,個心都好累
我媽同我細佬亦去過醫院,所以當我打完波問佢地係邊
想join佢地既時候,佢地都叫我唔駛去了,不如番屋企先啦
結果我人地未番到屋企,我細佬又打俾我
話醫院叫我地屋企人去一去醫院,話我老豆情緒唔穩定
係度掙扎,要出院,扯走晒佢身上面既喉
我細佬見我已經過晒站,於是佢自己一個人去
我番到屋企,坐左一陣,佢都番左黎了
佢話.........醫院縛住左佢對手,唔郁得
跟住我地連續去探佢,佢都係俾人縛住對手
都係係度鬧人,大吵大鬧............
尋日我冇去到,因為約左朋友拎d野俾我
最後我媽打俾我,話負責既護士同我地講
醫生打算安排療養院佢住,詳情既野我都要今日番屋企先再講
不過唔知點解,當我聽完之後..............我反而寧願,他以後都係療養院過
係咪好衰女呢,呵呵~我唸我爸隔離床既病人
都可能會覺得我好不孝,次次去到都唔出聲講野
其實,我唔介意人地點去睇我囉~
因為過去左既野...........我睇得好清楚
某一年既聖誕節,俾人用刀追住我地黎斬
係我媽擋係我地後面,家姐開門我地4個一齊向前走
果晚人地既聖誕party,我地4個係公園坐左一晚,唔敢番屋企
14歲果年,我差d連學都唔番,寧願出黎做野唔讀書
都想搵多d錢同我媽4個人搬出去唔再番屋企住
睇見我媽俾人打到對眼既微絲血管爆晒,我好心痛~
上個月,我老豆好地地鬧錯人........我番得屋企快
如果唔係我細佬差d就跳樓
早幾日,我老豆又發癲鬧人.........
我媽結果零晨拉左我細佬落公園飲啤酒,凌晨4點先番屋企
跟住我媽6點起身番工........我真係個心好痛
要我去"體諒"一個病人,我真係做唔到
我老豆一直都覺得,我媽同細佬今次call車送佢入醫院
係好唔滿意,覺得佢地想佢死,同佢作對........所以我信當佢番到屋企
實會同我媽,我細佬過唔去既時候,突然聽到我媽話佢要去療養院住
講真,我真係幾開心............當然,我唔會想我老豆有咩事
不過,我更加希望我媽做番d平靜既日子過
厘幾日,我都係我媽屋企訓
見佢日日放工番黎,雖然係好累,但覺得佢好開心
最少,冇人同我嘈,亦冇人令佢冇得休息,令佢唔開心
唔知好似厘幾日既平靜日子,可以維持幾耐呢???
2005/09/01 01:17am
文章定位：
