呢個9月, 我仲有一天年假, 約好了fion 同joe, 北上尋歡
起初, 大家好忙, 都冇時間plan 行程, joe 哥一直都話冇所謂, 去邊都得, 只要10:30左右放佢走就可以了. plan 行程就交由我同fion.
我地plan 了11點半出發, 返深圳食lunch, 之後就去去園博園 and ocat , 再shopping一下, 就食dinner, 10:30左右joe 走, 我地就去按摩
點知, 我地唔記得call joe 起身, 搞到成點鐘先在落馬洲等.
等joe 之時, 仲好傻仔咁在落馬州新關扮自由人影相.
之後, 我仲同fion 講左好多個爛gap 同笑話, 笑笑笑, 看看有冇帶齊證件先
咦, 我個身分證呢??
經fion 幫手搵我銀包之後, 我才想起我將銀包內所有多餘的信用卡,八達通放在家時, 可能把身分證也夾在內.
joe來到, 我唯有好疼爆咁返屋企拎
上小巴返元朗時, 係1:30分
去到元朗西鐵站, 1:45, 真好彩, 班西鐵係暫停載客, 哈, 當真有咁巧合的事?
西鐵返天水圍再轉巴士返屋企, 拎左個id card之後再住巴士返天水圍西鐵站再往元朗站去.
2:35pm 先返到去天水圍站
去到元朗站, 等左好耐都冇B1 同75小巴, 見到77小巴去落馬州, 就上左車, 向陸生求救
我: 佢地在落馬州東鐵站O個邊過關, 咁我上左77小巴, 係唔係過左過關就可以搵返佢地GA?
陸: 77小巴去唔到75小巴個站WOO, 你自己一個唔好過啦
我: 唔得呀, 佢地等緊我呀 (咁我都知75小巴個站比起77個站遠好多, 車都要行5分鐘, 轉好多個彎先到, 但應該行到去O既)
陸: 兩個關唔同GA, 你在落馬州過左去, 你要去大陸O個邊坐車返去搵佢地, 你唔好喇
我(唔通呢架去唔到新關, 大鑊): 吓, 咁點呀? 我又打唔到電話俾佢地, JOE個電話唔通
陸: 你個電話有漫遊咩?
我: 冇呀?
陸: 咁你點打?
我: UM.....咁點呀??
陸:我幫你打啦
我: 啊..... (留電話), 你話佢知我已上左小巴, 叫佢地救我呀...
2分鐘後
陸: JOE 個電話未開呀, 你唔好過關, 一陣你過左關佢又搵你唔到, 我又搵你唔到, 唉, 咁大個人..... 唉, 身分證都唔帶
我(無心機): 哦~~~~~~
原來呢個叫福田口岸
終於, JOE 打俾我喇...... 感覺就好似得救咁, 按FION的指示過關， 終於我去到大陸喇....
其實只係一河之隔
真係萬千個抱歉, 佢地由1點幾邊飲茶邊等我等到3點幾.
全日到當時, 我只係飲左一包檸檬茶 + 幾啖水, 好肚餓.
一坐低, 食食食, 呢碟叫思情接吻魚
3條O既....... 意識不良
食完之後, 4點幾, 開始行程
第一站, ocat loft 創意文化園
其實這地方同上年的香港藝術家雙年展差不多, 將工廠轉為一個個workshop place 出租予藝術團體作為展覽,交流.
入到去..... 其實感覺是舒服的, 無壓迫, 人又不多, 而且見到有人影人像.
如果可以花多d時間去睇, 可以花多d時間.
但現場有d剛放學的小學生在玩...... haha, 咩興致都冇晒
下回續
文章定位：
