24h購物| | PChome| 登入
2002-09-28 16:03:24| 人氣116| 回應0 | 上一篇 | 下一篇

可怕既咪咪.....

推薦 0 收藏 0 轉貼0 訂閱站台

亞咪....愈黎愈過份....
不嬲都知佢好英勇,知佢鍾意捉蟑螂~
但佢好似自從上次晌垃圾桶摷番隻死蟑螂出黎玩之後....愈黎愈過份....
個日...佢玩完隻爸爸好用心良苦咁捉俾佢既蜻蜓之後...將人地啃淨個頭...
同一晚,佢好叻女咁自己捉左隻蟑螂...今次好D,除左個頭,仲有兩隻手淨...
第二朝,佢又好叻女自己又捉左隻金絲貓仔(有八條腿細細隻跳跳下爬爬下個D)黎玩....不過晌佢未吞之前俾媽媽阻止左...
同日下午,我同媽媽匯報晌樓梯口見到有一條好幼既啡色既小螳螂~超得意,我初初以後係草猛,但又好似有D唔順眼,再睇真D,憑佢小小的呈倒三角既頭,我先記得,哩D叫螳螂...媽媽又好開心咁...帶左佢番屋企俾亞咪玩...佢又好狠心咁...放下佢走又捉番佢,又放佢走又捉佢...如是者過左唔使三分鐘...小螳螂又死埋...又為免亞咪食D唔乾淨既野,我地又沒收左佢隻死螳螂...之後,亞咪好傻仔咁作地毯式搜尋....

不過,佢之所以會咁暴戾...可能都係我地既關係....鬼叫佢捉親蟑螂我地都讚佢叻女咩...但如果你見都佢捉個時有幾神勇你都一定會忍唔住讚佢~

不過我地都開始習慣佢既殘暴行為家啦...算啦...不過我自己上次去完camp之後,佢真係又肥大左好多...得閒又俾相大家睇下啦遲下~~


PS.亞邊個,你同邊個義結金蘭呀又??
你又話邊個要似番個人呀下??邊個唔似人呀E家???下??
仲有呀~你同我定,我老公咁好,點會溝女呀,我老公對我都不知幾好~哼~你呀,對你女人好D呀,唔係我地個餐真係唔預你呀~

& ...大家咁熟,記住做人情俾多D喎到時~hee~See ~!?

我要檢舉
台長： 李慧吉
人氣(116) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文