大豬...豬仔...BB豬...豬豬B 幸福的一家...豬

128愛的鼓勵 0訂閱站台

星期四即係boxing day, 但係呢我既禮物一早就拆左啦所以呢日係無禮物拆既。呢日呢我好反常咁八點鐘(朝早)就起左身啦, 今日仲要好鬼凍呀, 不過我一聽到鬧鐘叫我就起身啦, 因為今日係我第一次同亞邦既親戚一齊出街既日子。我地約左九點九, 咁我預計我早咁多起身就一定ok 唔會遲啦。上到火車食完面包做早餐剛剛好落車, 到左大埔都係九點半。咁我諗住佢地有車無理由會遲到架, 點知足足企係寒風中既車站等左半個小時先到。

一黎到我差d就以為叫住「廁所呀!廁所呀!」既肥師奶係auntie, 但係我既遲疑救左我 (但係我都唔記得佢係邊個….)。之後就同亞邦行去車隊啦, 首先就見到亞邦家姐個男朋友, 跟住佢亞哥, 因為好凍, 所以我上左車等。係呢個時候auntie 就出現啦, 結果發覺佢個feel同我亞媽都有几分似架。

我地一行人四架車開到大埔一條街停係度討論下一站去邊, 諗住黎到大埔都係去行大尾篤, 點知原來係去香港仔…去到香港仔, 又停係一個停車場度討論係咪撘巴士上山(雖然有車)…天氣實在係好凍, 所以我一路都係縮埋一二角, 同埋玩下bb (好得意架^^)。

之後我地終於都上左香港仔啦, 去行水塘, 我同亞邦, 佢家姐、男友, 同埋一個叫Lilian既女仔同叫霖霖既細路女一齊行。行下行下亞邦家姐同男友行得好快走左, 咁條路又窄又危險喎, 咁我就唯有拖住霖霖行啦, 雖然唔可以拖住亞邦, 但係都好開心架(hehe佢睇到實呷醋), 因為霖霖好得意架。咁我地一路行, 風景都被樹遮住乜都睇唔到, 我地仲經過左一d行錯路既時候, 足足行左兩個鐘頭先行到返去。

行到返去, 終於都到左食lunch既時間啦, 行到好累哩, 所以好肚餓。我地齊齊去左一間食魚片(係類似魚旦o個隻)好出名既地方, 我覺得都好食架, 可能係因為我肚餓啦。不過就好貴, 一斤要成六七十蚊, 不過加d辣椒油係好好食架! 話時話, 我真係咁大個女都未試過食咁多辣椒油架(係怕辣至真), 唔知點解今次可以食到, 可能係佢唔係真係咁辣啦。

食完之後大家就一齊去赤柱諗住行下, 咁食程車我都暈車浪訓到成隻貓咁。因為我地四架車(唔係我既車..)停車場無曬位, 所以之後又要停係路邊討論去邊, 我就匿係架車都死都唔出去, 仲要戴埋件褸既毛毛帽先頂得住冷。有結論啦! 就係去啟德就睇嘉年華啦。咁我地出發, 我就梗係訓覺啦。

去到停車場要上四樓, 我都唔係好舒服, 但係仲要轉四個圈先上到去, 落車第一個感覺就係想嘔。好彩之後都無嘔, 但係真係凍到得返十度左右, 我地即刻去左車展解手。又未到食飯既時間喎, 咁就睇下車展先啦, 亞邦一路睇一路流曬口水咁, 又同我介紹邊架打邊架, d車真係好靚架, 如果我都有一架就好啦….不過都係想下先啦。

睇完之後我地就去睇嘉年華啦, 越睇越凍, 透氣都噴曬煙呀。我同亞邦兩個睇d攤位點玩又見到d人贏d好大個既公仔, 就盤算邊個易贏公仔, 不過呢我地都無玩, 因為實在係太貴啦, 我地行呀行呀行到落起雨上黎。咁我地都無理仲去買雪榚食添呀, 不過亞邦實在太可惡啦! 比佢咬既時候居然咬曬我d雪榚去淨返個cone….太可惡啦 >~
今日實在係太開心啦, 因為自己實在好少機會同d親戚一齊, 而家反而可以同一大班人出街, 同埋呢…hehe…今次都可以算係「見家長」o瓜, 嗯嗯真係好開心架^^

p.s. 上個日記個聖誕老人相係o係屋企映架, 個聖誕老人好得意哩!