S的一句“我要吃全香港最好吃的吉列豬扒”考起我也。
要知道我從來不喜歡吃豬扒，更加討厭吃熱氣到爆的吉列豬扒，又從何對這不得我心的食物研究比較，再挑出好吃的關鍵來？可是壽星公的願望又得盡力達到。
上OpenRice瀏覽，丼吉日本吉列專門店餐廳，被評為得獎熱店，有三百多個讚好。打電話去預約，說Dinner要排到六月，可媲美米芝蓮餐廳。Fine，反正即將去台灣拍婚紗照，沒有減磅已讓我頗有罪咎感，總不能再吃出一臉痘痘來。
沒能讓Ｓ去專門店大啖美食，決定自己動手做，興許還不那麼行貨。正如S不可能找到我心目中全香港最好吃的雪糕；我自然也無可能找到他心目中全香港最好吃的吉列豬扒－除非我自己做。倒不是說我的手藝有多好，只是既出自女友之手，再難吃諒他也不至於彈我XD。而且既然給S做的Tiramisu、煎牛扒和黑松露意粉都頗受好評（嗯，除了牛扒落了太多鹽之外），只要落足心機，大概這次也不會太差吧？Well, I hope so…
俾點新意，基於Ｓ同我都喜歡吃磨菇的關係，於是某人妄視自己從來未煎過豬扒的事實，決定一步登天，整“磨菇芝士夾心吉列豬扒”！
去百佳買了三塊豬扒，太厚，阿姐話：“好薄架啦wor！煎豬扒係要咁架啦！”
但人地整夾心豬扒wor…
Okay，我自己返去切！
每塊豬扒從中間細細地割開，三件變六片。咦！原來我刀工見得人耶！
買了兩大盒白磨菇，切片。大火炒至出水後加生抽同白蘭地。
一包卡夫芝士片，low fat嘛！豬扒用白胡椒粉、生抽同白蘭地massage過，再用刀背拍鬆。每片豬扒夾些炒起的蘑菇同隨意撕碎的芝士片，用另一片豬扒覆蓋，澆上蛋汁同麵包糠，落鑊中火炸。
炸完就咁樣啦～唔錯架！試下啦！
另外用一隻青椒、一隻紅椒、一隻黃椒、一條黃瓜同Cessar菜整沙拉，沖淡豬扒的油膩味。青紅黃椒切絲、黃瓜切片，用橄欖油、醋同砂糖調味。色彩繽紛又酸酸甜甜的好好味。初入庖廚竟然成功自創菜式哈哈我係天才！ XD
嗯…okay啦，等台灣返來再去試Ｓ夢寐以求的Kasudong。
花絮：為了營造浪漫環境，避免不相干人士係度行出行入，當天一早同老爹話：“我今日夜晚要玩煮飯仔wor，你出去啦！出去前順便幫我磨利把刀。”老爹竟然十分合作地三點唔到就走人，到九點仲懶係好醒水咁打電話俾我問他返得屋企未，真乖！要同媽咪讚下他先得！
文章定位：
人氣(725) | 回應(2)| 推薦 (
0)| 收藏 (
0)|
轉寄
全站分類:
不分類
