最近比較忙,好少喺度寫野,都係時候搵d野講下
第一樣野就係要開估,大家以為我以前頭髮好長
其實唔係,只係小小既把戲黎啫
請看附圖,果d頭髮係黎自一個面具
今日想講講兩難式
一言以敝之,即魚與熊掌,不可兼得
睇你點揀
我每日都面對好多兩難式
好煩,真係唔知點揀...而要喺短時間內做決定
就通常都會出鍺
而我應為人生中最兩難既就係,講唔講大話
自問唔識講大話,故此我甚少揀講大話
但係偏偏講大話先係正路既做法
真係好人難做.....
打個譬喻(只係譬喻,並非真有其事)
你想去同舊女友飲野,
去,身心得到充分既滿足
但係講唔講大話呢?
講,倘若露出馬腳,河東獅吼,狗命不保矣
唔講,必成為他日番舊賬既把柄
問你死未
呢個situation,我建議叫埋女友三人同行
雖然呆撚,但總算皆大歡喜
人生仲有好多大小不同既兩難式
好似去邊度食飯,買咩生日禮物,戴唔戴套,直唔直選特首.......
一浪接一浪,大家都好似冇腳既雀仔咁
或者,我地既人生就係由呢d兩難式建構出黎
文章定位：
