蕃薯枝葉代代傳 金麟豈是池中物

2,517愛的鼓勵 0訂閱站台

新詩賞析特輯
相思
阮是兩人相意愛 若無說出恁m知
阮就當頭白日來出入 同恁外人無治代
恁偏愛講人歹話 予阮驚心m敢來
娘也疑我价伊歹 暝日相思真厲害

頭上貼著鬢邊膏 身軀消瘦可憐代
伊正洗衫我返來 心頭歡喜無人知
只為身邊人眾眾 不敢講話真無采
恨無鳥仔雙固翼 隨便飛入伊房內
作者：賴和，台灣彰化人。日據時代醫師，文學家，後人尊為【台灣新文學之父】，詩作千餘首，與李白等量齊觀，其在彰化行醫時，常免費為人治病，僅形式上的收下借條，每逢過年又盡數燒掉，不忍增加貧苦大眾負擔。彰化老一輩皆稱他為【媽祖婆】、【走街也仙】、【和也仙】，其孫賴悅顏成立賴和文教基金會，每年舉辦台灣文學營，分教師、大專生、高中生三組，為台灣文學的湠根貢獻良多，吾人甚為感佩！！！如今亦為賴和文教基金會義工。
台北新故鄉
老樹換新枝 枝枝向上天
和手打造新城市 四邊是山好景緻
街路清氣溪全魚 逐工出門be嚥氣
台北好企起 快樂唸歌詩

台灣e門窗 歌詩滿街巷
撲開電火揣希望 希望原來就是咱
先來慢到攏相同 新一代的台北儂
夢已經震動 奮鬥m通放

春天的花蕊
雖然春天定定會落雨 m過有汝价阮來照顧
無論天外烏雨會落外粗 總等有天星來照路

汝是春天上婿e花蕊 為汝我m驚淋价 詹糊糊
汝是天頂上光彼粒星 陪汝我m驚遙遠价艱苦

春天e 春天e花蕊歸山墘 有汝才有好芳味
暗暝e 暗暝e天星滿天邊 無汝m知佗位去

無名氏
為了討生活 離開了故鄉
來到了都市 四界去走衝
目屎要勇敢 身體要保重
思念著月娘 思念著太陽
人生諺語
1. 好囝m免濟，濟囝餓死爸。
Rev：人才【濟】濟；餓、枵
2. 不孝新婦三頓燒，有孝查某囝也路裡搖。
Rev：桃也、李也；查甫。
3. 一錢、二緣、三婿、四少年、五好嘴、六敢跪、七皮、八迷亂、九強、十敢死。
Rev：【好嘴】：家己褒，吃有臊
4. 取某【師也】，飼婦師父。
Rev：【師父】、【師傅】
5. 嫁著讀冊翁，床頭床尾香。
6. 嫁著讀冊翁，免花免草滿厝香。
7. 嫁著作田翁，無閒梳頭鬃。
Rev：【頭鬃】、【頭毛】
8. 嫁著博筊翁，博贏吃肉輸吃蔥。
9. 嫁著博筊翁，不時相撲扭頭鬃。
10. 嫁著殺豬翁，無油煮菜也芳芳。
11. 嫁著青瞑翁，梳頭抹粉無彩工。
12. 嫁著矮也翁，燒香點火叫別人。
13. 緊紡無好紗，緊嫁無好大家。
Rev：【大家】、【大官】
14. 作著歹田望後冬，娶著歹婦一世人。
15. 貓e奸臣，矮e厚恨，虯毛e不仁。
16. 較秉憚乞食。（頭）較大身。較慘死。
17. 乞食分有食更會弄柺也花。
18. 豬來散，狗來富，貓來起大厝。
19. 脹豬肥，脹豬瘦，脹人黃疸。
20. 烏狗吃肉，白狗吃打。
21. 死豬佔鉆。虎龍豹彪。
22. 惹熊惹虎，m通惹恰查某。
23. 送肉飼虎：肉包子打狗=肝膽相照： 。
24. 口齒不清：講話含 含 。亦作含涎。
25. 便所內彈吉他---
26. 隱佝e放屁---
27. 隱佝e泅水---
28. 隱佝e落階---
29. 外省也麵---
30. 外省也吃檸檬---
情愛唸謠
大路行不盡【狀元樓】
一條大路行不盡 行到山頂頭就眩
若無為著娘也恁 四轎來扛beh3起身
神魂去找哥
一暝eh3睏半te7倒 神魂一半去找哥
有人講我价哥好 心內現有喙爭無

半暝月娘照紗窗 偏偏照阮守空房
關窗將月緊緊送 照佇阮是無彩工

价你約會甘蔗溝 蔗尾打結作戶頭
誰人歹心將阮掏 害阮找沒眼屎流
(誰人么壽來价掏 害阮一人鑽一溝)

一尺枕頭睏三吋 猶有七吋等候君
等待三更半暝後 有時阮睡有時君
玉蘭開花芳透天 挽入房間芳歸暝
將花挂入蚊帳內 半暝芳到枕頭邊

牡丹開花芳透天 娘也生婿真標緻
想愈价汝結連理 害阮暝日病相思

阿娘一項小機器 欲絞甘蔗大小枝
阿君不信走來試 糖膏滴的滿滿是

天黑黑 欲下雨
抓猴e穿紅褲 契兄走無路
阿公也拿鋤頭 巡草埔
巡到一尾鯽也魚 鯽也魚欲娶某
龜擔燈 鱉打鼓
水雞扛轎雙目吐
田嬰拿旗喊艱苦
媒人婆是土虱嫂
火金姑 來照路