咁耐冇寫日記，都因為又係一個懶字，同埋可能又冇乜心機咁。呢個暑假都只係剩下十日都不夠就完結啦~好似冇乜做過咁。成日匚屋企都唔知做咩~
前日中午本來訓訓下覺，但突然心升來潮，就拎左本大學選科的物體黎睇，順便睇下我有咩科揀。揀揀下，結果連埋高級文憑，總共差不多有二十個選擇。哈哈~~全部都係我鍾意o個尐，有一個揀左出黎，都唔知arm唔arm我，就你飲食管理，唔知將來我可唔可以去吉吉家度做呢~~~嘻嘻!!我又揀左酒店管理，但你有好多人爭呀~~不過，我諗我揀呢一竿唔係冇得讀ge~至少我舅父係做酒店的，有咩問題可以向佢請教啦~不過我最想的......當然係讀歷史啦~
但....之後o個晚做左個test，個test話我適合讀尐對人的科目，有冇攪錯呀!!!!不過，算啦~~神會比一條適合我的路比我。但....都係要努力讀書。
昨日同eric去報名補習，只係比四分一的價錢，呵呵!但下期又要比番四百多元。不過說真的，英皇的服務係又差，佢地公司的優惠條款竟然連做counter的都不清楚，上次攪到芬，我，婷婷同eric白走一趟!點做野呀!
報完名，兩條人就去左去美門"打等"。我原本有兩本書唔知想買邊本，終於有個決定lu~o個本書叫在地如在天。~另外仲eric買左本書，o個本靈修書的作者寫的內容不錯呀!佢買左就可以借來囉~哈哈!!但...買的過程有點攪笑，仲遭人地的白眼，當然唔係我比人眼望望啦~
返到屋企，終於差不多完成第一份功課啦~唉!好唔想掂其他功課呀~唔識做!
今日朝早，與愛人重聚。今早媽媽買左牛肉飯比我吃呀!!好正呀!同佢分別二個多禮拜，吃完有一種好開心同滿足的感覺。sweet!好感謝主做左牛牛，如果唔係我就食唔到咁美味的人間極品囉~
昨晚終於開左個討論板，唔係我主意，但係網主有見最近青年區討論風氣盛行，特地開了一個討論板比大家討論。本來係好難找的，找了許久也找不到，因為找不到登入的地方。感謝主昨晚比我開左個討論板，希望真係有弟兄姊妹討論問題啦~
呢個就係討論板的網址~
http://www.voy.com/158060/
