繼上次o既黃大仙盃之後, 今日又有得打盃賽喇, 但今次都係分o左兩隊報, 又係我果隊入選, 真係...
今次個form 又唔同晒, 都唔知點打, 所以我都唔係好care 呢個比賽~~
今朝打波, 再去食飯, 寄埋信都未夠鐘, 出面咁熱不如早d 去體育館啦, 睇o左陣波, 咁就有人黎喇。
等了又等, 差唔多到我地喇, 但屎譚仲趕緊入黎, 好彩最尾都趕到, 今日對咩隊呢? 都唔知咩隊黎o既, 未聽過, 不過....對隊連三分鐘熱身都唔識wor, 問你死未~
好喇, 照咁睇, 今日都唔會好激o家啦~~ 我今日打番後二, 本來想做L, 但阿良做o左 >.<
開波, 初初都ok o家, 有d 來回球咁啦, 我都殺o左幾球波, 雖然唔係太靚, 但對面都唔會接到o家啦~~
唉, 點知對面越打越.....局尾連來回球都冇埋, 差唔多拋球free 波過去, 佢地都接唔番過黎, 悶完第一局, 25:8......
第二局, 雖然明知都會好悶, 但都想殺多一兩球啦, 點知, 對手真係...最尾25:5, 灰!!
專登黎到打比賽, 對住咁o既隊, 真係......屎譚仲係趕入黎tim, 呵, 辛苦晒!! 下場對仁濟, o係我地唔齊腳o既情況之下, 我真係唔多想打, 不過, 冇計...下場玩埋去lu!
23/7/2006 風四字
文章定位：
