淹水後清理重點 清掃消... BMW X3限量首賣台南車站美式鬆餅早午餐! 總統博士論文升等著作 ...
2006-12-09 02:24:13 | 人氣(111) | 回應(1) | 上一篇 | 下一篇

感人肺腑~~

推薦 0 收藏 0 轉貼0 訂閱站台

今日我睇咗一篇真人真事既文章, 系講一個男仔對一個女仔既剖白, 里面講咗好多個男仔既內心世界--幻得幻失, 等待, 終於系埋一起, 害怕失去所愛, 對女仔既觀察入微, 溢滿胸口既關心, 擔心以及對女仔無盡既愛意!
覺得好感動, 我睇完之後都喊咗出黎, 連我里個唔相干既人都咁感動, 我相信文章中既女仔睇咗之後一定會感動到喊, 因為, 試問在里個世界上有幾多個好似個男仔咁癡情, 等咗四年幾, 我相信唔系短既時間, 即使在里段時間里, 女仔一直因為唔知佢對自己既愛意而一次一次交男朋友, 再一次一次分手, 然後一次一次比個男仔同佢分享傷心, 又一次一次咁在無意之下傷害個男仔, 但系個男仔始終無放棄, 依然在女仔既身邊陪住佢, 做佢既避風港, 垃圾桶... 我相信唔系人人都可以做得到! 終於, 終於幾經辛苦, 在埋一齊啦, 但系又由於某D事, 又要分隔兩地啦, 男仔既內心又怕又懼, 但男仔見女仔裝作堅强既樣子, 唔敢將感情表露出黎, 於是想出咗訂婚一詞, 希望借此可以鞏固兩人之間既聯繫, 但女仔對訂婚存在住很多既疑惑同迷茫, 因為個女仔仲未有心理準備, 更因為個女仔唔知個男仔點解會鐘意佢, SO個男仔就寫咗個篇文章, 只望能使女仔放寬眉心...文章雖然只有短短百幾兩百字, 但系在字里行間就表露出男仔對女仔既愛之深,情之濃, 真系令我既感動, 又羡慕, 令我都希望我自己可以找度個好似男仔一樣既情人, 幸福咁渡過一生...
女仔, 明天就到訂婚既日子啦, 我相信佢睇到男仔既文章之後心中既疑慮應該可以放低啦, 我估佢應該唔會再想點解男仔會鐘意佢啦, 自己會唔會配唔起佢啦, 會唔會成為佢既包袱之類既問題啦...
女仔, 即使日後你們要分隔兩地, 你都要好好咁生活呀, 唔好過份咁壓制自己啦, 如果真系唔開心又或者有解決唔到既事, 就搵你既朋友商量啦, 即使問題唔可以解決, 即使會比你既男仔知道, 但系起碼有人同你一齊分擔, 可以發洩自己既壓力哦, 而且文章中既男仔咁清楚你既性格, 我相信如果你到時只系報喜不報憂, 我估佢會更加擔心, 只因為佢知你甚深, 知你又是一個人逞强, 我相信你都唔想咁嫁, 你應該知道佢最鐘意在屋企既你嫁, 唔好怕麻煩人, 唔好怕成為包袱, 對佢黎講, 知道你既煩惱等於對你放心, 你都唔想佢一個人在異地學習工作之余仲要擔心你嫁, 要對佢有信心, 更要對自己有信心呀...
從文章中, 我知道佢地以後仲會有好多問題要解決, 但我相信佢地一定可以一齊走過去既, 我衷心咁祝福佢地, 希望佢地白頭到老, 永結同心!
文章中既女仔, 我唔知你會唔會睇度里篇文章, 亦都唔知你幾時會睇, 但系希望你一定要對自己有信心呀, 你並不是你自己想像中咁無用嫁, 亦都唔系你想像中咁無價值嫁, 要對自己有信心, 要有自信呀, 我相信, 男仔都會希望你更有自信嫁~~~

台長: qq豬
人氣(111) | 回應(1)| 推薦 (0)| 收藏 (0)| 轉寄
全站分類: 男女話題(愛情、男女、交友)

cindy
個女仔經過今次ge事之後大個女好多,明白咗好多野.可惜個女仔因為經歷過某d野之後開始對自己慢慢失去信心,唔再係以前開朗活潑ge佢.
2006-12-10 21:08:15
我要回應
是 (若未登入"個人新聞台帳號"則看不到回覆唷!)
* 請輸入識別碼:
(有*為必填)
TOP
詳全文