2005-11-25 16:27:23| 人氣33| 回應0 | 上一篇 | 下一篇

好靚丫~

推薦 0 收藏 0 轉貼0 訂閱站台

好耐冇行過銅鑼灣,尋日放假落左去行
行黎行去兜左幾個圈都唔知去食咩好
查實我又真係好想去食大久保
之但係果個時段去食係最貴好似唔係咁抵
後尾就去左太興食
我叫左個燒汁金菇龍利柳天使麵
嘩,又幾正幾好味喎,一大碟差唔多食得晒
去太興食飯我一定會叫佢地果度既凍奶茶
超正!水準冇得頂呀~ 大家去試下~

哦!原來東角站摺左冇得行喎~
又係行下SOGO,金百利,銅鑼灣地帶......
我就淨係識行哩D地方架咋
我好想買過對BIRKENSTOCK
一來唔知買咩色好二來又驚佢遲D會出其他新款喎
但我一定會買過對,我真係好鍾意超鍾意丫~

係地帶俾我無意間睇到對波鞋我一見鐘情呀
係adidas白&粉紅色魔術貼架
我知佢仲有其他色(綠,藍,黑..........)我就係鍾情哩對粉紅既
到宜家我都好掛著對波鞋呀~ 我想帶你返屋企啊
係SOGO既SANRIO睇到好多靚野
唔知係咪就到聖誕又到聖誕呢,聖誕禮物既首選大多數都係佢
提起SANRIO我又記起公司有個同事買左果三對KT耳環
嘩,好鐘意呀真係幾靚架一pair三隻四十幾蚊,價錢算係咁啦
佢話過下次會帶我去買
最近我覺得自己大使左好多
見到就買鍾意又買價錢唔當係一個問題
袋,衫,褲,就黎連對鞋都買埋
我又真係使得好開心丫~

而哩對Nike波鞋我係上綱睇到架,係咪都唔錯呢~
我睇到好似800蚊就有得交易架喇
唔知出面有冇得買呢?真實既又係咪咁靚?
你地有冇人見過話我知邊度有得買丫???

返到屋企媽咪又留左兩件pizza+兩隻雞翼俾我食
今晚冇煮飯佢地叫pizza做晚餐
俾佢吸引住,我又有口福喇
係咪覺得我好擦得哩~ 仲食得落犀利唔犀利!!
仲要等多兩個星期先有得去唱歌仔
我唔等得喇點解日子過得咁慢架~


台長: 傻囡
人氣(33) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文