＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

都事隔左差唔多兩年時間冇見面，今日終於都夾到一個機會喇聚下～！！
每個人唔同階段都會遇到唔同o既人，而呢ｄ人又會有住唔同影響啦～？！
而佢對我都的確有一定性o既影響，所以佢話『我的回憶都是佢的』呀～！！

今日收工之後就出左去尖沙咀，因為今晚約左『愛人』聚返一次呀～！！
雖然我地兩個近年都真係好少見，但係見面o既感覺又唔會生疏喎～？！
照舊都係好真性情咁咩都會講下，當然咁耐冇聚埋就梗係講下近況先～！！

我地呢段時間都各自經歷左唔少野，而我地都覺得對方都有所成長～！！
或者我地都認同成長係需要有所經歷啦，而且宜家生活又唔同左以前～！！

回想返大家初相識階段至今，其實我地都覺得大家維繫得算好好喇～！！
始終我地對大家都仲係有個心，而且經過左中間唔少野又會令價值觀變左～！？
當然大家都變得成熟左去處理生活問題，至於見面都會關心下對方啦～？！

佢最近就發現自己身體好似出左ｄ問題，而且醫生都有叫佢要減肥啦～？！
雖然話一段時間冇見過佢咋，不過今時今日o既佢真係漲爆左好多囉～！！
當然佢都有分享一下佢o既家庭事，同時亦有問及我同我個仔o既野啦～？！

透過今晚由生活到工作等事宜o既分享，佢就話我比以前狠左好多喎～！！
可能我以前都真係比較有耐性同埋溫馴ｄ，宜家只係被迫要轉變啦～？！
畢竟大家都理解生活同工作真係會令一個人變，重點就係本質唔變就得～！！