本來今日諗住o係屋企抖下,但亞媽成日叫我一齊出街,佢驚死我o係屋企會自閉咁(之前考緊試時已經係咁架喇,我溫書溫到1個星期都冇出過家門半步,佢竟然考試期間日日撩我去街)
咁唯有同佢出去食飯再搭車去冰姨到囉~接左表弟亞joe(而家唔俾人叫佢亞b喇,要叫佢英文名,大個仔喇喎)去jumpin'world玩,去到見到隔離開左間green box,勁多人喎!
細路仔玩完梗係到我shopping啦!去左買護膚品,因為我實在爆粒粒爆得太厲害喇~一買就買左7百幾蚊,梗係亞媽paid啦,哈哈!簡直愛死佢,同親佢出街都買幾百蚊野俾我,我年中都慳唔少!
夜晚送亞joe落樓佢亞爸車佢走,架lift short short地,想困lift咁,關左門跳一跳再開返,部lift低左一大級,試左兩次都係咁,嚇到我地拿拿臨出返去行樓梯,返上樓時都唔敢搭返o個架lift呀!
㊣亞媽買咁多野俾我,呢個mother'day點會少左佢份禮物呢~ ^.^ 不過仲未諗到買咩! 有冇提議??
文章定位：
