從我有記憶開始 我都係擔當一個救苦救難觀世音菩薩既角色..
係幼稚園 當d男仔蝦女仔時 通常還擊(即是報串同整古)既係我
升上中學 當朋友仔有滾情煩惱..友情煩惱..屋企煩惱..
總之 大部分青春期既煩惱 佢地都會搵我傾訴..
(咁當然 係因為我有智慧啦 XD~~~~~~~~)
我諗當中 最有代表性既 都係趙凱dee小姐..XD
我同hydie chiu相依為命既日子 大概可以追溯到form 1
當時 佢既外號 仲係不堪回首既"肥波波" XD (HAHAHAHAHHA)
佢無意中加入左我 同vivian sum同 eva (lee) 既飯團..
之後 我同佢就一直團到宜家
form 2 我地一齊升上 2A
個時 我仲未識 謝妙妙 李思拾 renee siu..等人
我既心情好不安 因為 我覺得佢地唔係好人 XD
(我既日記裡面寫:..仲要同個個賤人michelle tse一班..慘) <- 千真萬確! XD
於是我好順理成章咁就同hydie痴埋一齊
一齊用埋同一個書包 (黑白色adidas) 買同一件風褸..(詳情請自行參考舊照)
後來我地終於按捺不住 XD 同妙拾wink佢地班賤人打成左一片..
(個時2A好曳..miss sinn一個禮拜總有幾朝喊咁口咁"求下你地乖d啦" XD)
係往後既中學生涯 我地都係一齊過..
佢地每一個既性格都好唔同 當中 最依賴我既 就係hydie
無論發生咩事 佢都會第一時間通知我
我記得 一個經典片段..
地點:我屋企
人物:我 我媽
電話響 媽聽 媽露出驚懼的表情
媽: (口型) 搵你架 好似喊wor
一拎起電話 果然 我就聽到趙小姐把聱
dee: 嗚嗚嗚嗚嗚..嗚嗚..嗚嗚嗚
我: 做咩呀
dee: 嗚嗚嗚..嗚..嗚..嗚...我隻牙..嗚嗚嗚
我: (已經開始想笑) 你隻牙做咩呀
dee: 果醫生..嗚嗚嗚..去睇牙..嗚嗚嗚..個醫生..嗚嗚嗚..磨平左我隻牙!!!
我: (強忍著笑) 下 點解會咁架
dee: 嗚嗚嗚..佢磨平左人地隻爆牙!!嗚哇哇哇哇哇哇哇~~~~~
我好努力咁安撫完佢之後 收左線 我話俾媽知發生咩事
然後 我媽比我笑得更厲害..
呢個電話之後 每次有d喊咁口既聲打黎 我媽都會assume係hydie..XD
然後 好耐之後既某一日 我媽食食下飯話: 咁耐唔聽hydie喊住打黎既 XD
好耐以前 hydie同我之間 就係呢種單向既依賴關係..
係大部分人既心目中 佢一直係一個唔懂事 好任性 好野蠻既細路仔
(我記得 謝芬話我同趙凱dee好似兩姊弟)
每當我有事發生既時候 我第一個搵既 可能係scholastica mak..
可能係di iong..但係我絕少絕少同hydie chiu講心事 因為 我覺得佢唔會明..
後來 呢個人見人愛既肥波波越黎越瘦..越黎越唔似一個波...
肥波波..走去學人拍拖..XD (押韻架)
佢同某某既事好多人都知..好多人都覺得 佢地當初分開 係因為hydie野蠻成性
令某某求生不得求死不能 XD 感情既野 邊個arm 邊個錯 我冇權講..
我只想講 hydie係冇人發現既情況下 係呢段關係裡面 慢慢咁大個..
我記得有一次 當佢地仲係一齊時 某某唔得閒陪佢 我同佢就企係st michael statue 對出既空地..
佢話: 其實一個人都冇咩唔好 我都已經習慣左一個人..
佢既表情好寂寞 寂寞到唔似hydie chiu
愛情令人迅速長大..憔悴..
我拍下佢既膊頭 唔知講咩好
我個陣覺得 佢同某某係天造地設既一對 好多人同我一樣 都係咁諗..
同後來 我先知道 佢地唔係
你地有冇聽過真正既喊聲?
真正既喊聲唔係嗚嗚聲 唔係wewe聲..佢係一種 由心發出黎既 求救既聲音..
好似俾人一刀插入個心時 既聲音 喊既時候 整個人都會震..
個次 我接到hydie既電話 佢用佢既喊聲向我求救
佢連一個最正常既音節都發唔到..我知道佢好痛..
比起磨平一百萬隻爆牙還要痛..
係最痛既情況之下 人既反應有兩種
一係失去意識 暈左 唔洗痛
二係痛到痴左線 發左顛 失去常性 做盡一切平時唔會做既事 想令痛停止
好耐好耐之後 hydie整左一個網頁 放左一篇好長既字..
每一字一句都好理智好清醒 佢諗通左 成熟左
"但之前其實究竟發生過咩事，
我過左一段點o既生活，
我真係好希望你地--我o既朋友，
有一日會真係行到落去、體會到，而為我平反。"
我好想話俾hydie知 我明白你當時做既每一件事
知道你每一個反應背後既原因..
冇人有資格話你唔成熟 話你細路仔..因為痛既唔係佢地
有份傷害你既人 冇資格唔俾你痛 亦冇資格批評你痛既方式..
因為愛情 hydie真係大個左好多好多..
(秋天的童話裡面 鍾楚紅話: 愛過一次 元氣大傷)
其實有時我想佢變番以前既細路仔..
係hydie慢慢長大既同時 我同佢之間 亦變成一種雙向既依賴..
form 5 臨近last day時 我為左我地一group永遠湊唔齊人而唔開心..
hydie寫左張野俾我 畫左個核突豬嘴樣.. XD
我form 6升左去蠢到唔想再提中學..XD
form 6第一日 (同大大一齊) 係我自小三開始 第一日唔係係柯士甸道返學..
放學之後 我行落去地鐵站 企左係度 發呆
呢個時候 我見到 同樣升左去第二度讀form 6既hydie chiu..係電梯升上黎..
我好似痴左線咁 飛撲埋去..
兩個低b婆 就企係佐敦地鐵站 人來人往既大堂 攬住係咁喊 係咁喊..
好似世界末日咁 離開學校 最美好既人生 就完了
個兩年預科好難捱..識左一d好同學 但都係好難捱..
你知唔知咩係水土不服?! 我水土不服 連呼吸 都有困難..
form 7 我同hydie chiu..belbel 都一齊repeat..
第二次放榜 我同趙小姐兩個講既第一句就係 "我地終於可以講sem break"
我發現 我對於hydie chiu既依賴 同佢對我既依賴一樣
我地已經冇辦法將對方排除係生活以外..
大學year 1 暑假..我同趙凱dee講 我想停一年學 搵d錢 再讀
佢聽完我既意見之後 冇出聲
只係隔左幾日 佢同我商量 佢想placement一年 再讀year 2
我話佢無聊 大家爭持不下既時候
佢話: 我想同你同步 我想我地一直同步 我唔想錯過左中間既一年
我一直冇話俾佢知
我聽到呢句說話既時候 搵張廁紙暗住對眼 眼淚不停咁流
尋日我同佢坐係好老土既尖東傾計..
大家既話題已經由以前既讀書 是非 拍拖..
到宜家既cover letter..見工 前途 將來..(當然仲有永恆既是非啦 XD)
佢好感慨咁話 發現自己好渺小 無論自己點做 做d咩 都冇辦法影響呢個世界
地球一樣咁轉 每個人一樣咁生活..
其實係架 "我地係天地間既一粒微塵" (from 天下無雙)..
雖然一粒塵影響唔到一個世界 但係當好多粒塵聚埋一齊既時候
就可以變成一舊塵.. XD
我唔知一舊塵有咩實際用途 XD
但起碼 發生任何事時..我地都會成舊一齊渡過..
another 老土之作 -- forever friends X~D
記得當天一起唱著告別校園時
那些愉快動人琴聲 仍像奏到面前
讓我輕閉著眼睛 記住同學每張臉
這感覺 彷彿更新鮮
這天翻開這本記念冊再想到你
小心用膠紙封了邊 來讓我更希冀
若照片有日褪色
你在文字裏給我好天氣 應該也很美
曾共你天天相對 失戀也一起
共你擔心功課 趕不到限期
班房裏放映機 逐格愉快記憶
在倒退 讓我看真你
明日我翻開筆記 即使記不起
學過數理經濟 通通都拋棄
一想到你筆跡 劃滿在我記憶
在心裏沒有忘掉你
得到過 我心中有你
若有一天翻開記念冊 你可會笑
有些造作一點句子 其實心思不少
my pen is blue，my friend is u
今天再看 也可使我微笑
文章定位：
