真.浣熊 真名:曾本木同 別名:欺蝦農夫 性別:正宗麻甩佬 身高:68.5x2.54cm 武器:隨手拎到既棍狀物體 絕技:鳳凰腳(未練成) 物品:用玄學書製成既算死草,威力不明(攻擊用) 水晶球,可擾亂敵人,或直接擲向敵人,甚至室入敵人口中 HP:710/1000 MP:1/3 SP:3/18

101愛的鼓勵 0訂閱站台

人地係後生仔,我又係後生仔,都唔知點解,0的朋友個個到假期就好多節目,而我就一定星期日要留響屋企,唔係話有咩事做,而係返工累到星期日唔響屋企叉電,跟住果個禮拜就會日日冇半條命咁返工,真係....
同星期六晚果斑同學既感情愈來愈好,雖未至於勁好深厚,但最起碼,大家每個禮拜,同一時間,同一地點,同一個信念,做同一件事.我表現自問麻麻,樣子不是能討好人既一類,但大家都願意同我有講有笑,落堂後大家又繼續有傾有講.而我最愛既係,大家年齡不同,生活不同,響平時大家就算咩身份,咩地位,響果度都係咁高咁大.咁算串人都係友善咁當係玩下,拳來腳去,咩事都好易解決,而又因為大家響出面有好多唔同身份,所以大家都可以每個禮拜食下飯,然後慢慢詳談,那種感覺對我來講真係好舒服.
每個人響唔同既年齡層,認識既人,談論既內容都係唔同,不過而家搵到呢斑朋友,應該可以維持耐點....^^

...................................................................
7/12:

以下既內容係今日收到既,睇完就算,唔好問長問短!

””我覺得我同你做知己係最好既安排....因為我同你一齊好開心....你明白我為人....但你又唔係我想要果種男人喎....所以....做知己係最好....向做知己黎個方向出發好冇....我會對你好好....因為我唔會亂發皮四....慢慢轉....我想同你做一世既知己....有時諗起同你由零開始建立感情....覺得真係好夾....其實好難搵到一個夾既人....唔想放棄....你明白我為人....同你性格夾....所以我好想同你成為好知己....但坦白....你年紀細....經濟能力未定....計較....呢幾個係我唔會考慮你做我男人既原因....我唔係討好你....只係坦白講我感受””

5/12:我忍夠你啦,曾本桐!你折磨人再俾人反折磨再折磨自己夠未呀?

而家我暫定,溫埋呢年,過埋節日我就走,費事魚與熊掌,我拎苦來辛!母后生我唔係咁用既,哼!

3/12:我未有咁既福份),反正出現問題,佢好煩,我都好煩,唉!正因為有問題,我需要早走,而唔係因為有異性,冇人性,作為朋友既你地我諗您地係明白我感受既,謝謝!

1/12:本來今日我忍痛唔搵佢,俾佢放縱兩日!點知佢拎來衰,自找麻煩,竟然惹火我?我今日幾乎連超必都出埋,佢太可惡啦!

30/11:又係性格問題,今晚再開火,當停火時候,我決定呢兩日忍痛當冇事發生,直情唔搵佢,我要頂住!頂呀!

13/11:琴日衰婆同一個我唔鐘意既x(我唔想形容佢係人)出街,我本來唔開心,之不過上星期日/或者叫星期六晚啦,我唔見銀包時係佢陪我既,所以我幾唔鐘意都好,我琴晚聲都唔可以聲下,費事佢做完好人我仲要做衰人,但我都send個短訊叫佢返到屋企就打個電話俾我,琴晚佢有打來,都算數唔面黑.傾咗得果一陣就收線,算!

我想講既係我唔鐘意呢條友,其中一個原因,就係佢次次同呢條友出完街,通常有幾個情況發生.1:佢答應過我既野可以唔算數.2:有心病,連帶到跟住第三,3:唔想見我.而通常我會因為呢個咁既不是定律,經常性一講到呢條友,我就毫不吝嗇咁用粗口問候佢,佢愈要照住佢,我既粗口就會不斷升級,不過我不外乎主要都係兩句,唔係話打七佢就係叫佢快啲俾車車死,當然啦,佢人間蒸發我都唔介意,只要新聞透視唔好訪問我就得啦!

今日開工都係照舊同衰婆MSN,佢亦一如以往拒絕我約佢(呢個情況我稱為:見完條仆街之後後遺症),不過,今次既理由都叫新鮮,話有心事,唔關佢事,兼且冷親,想冷靜下!OK,今日我只有短時間係咁意扭下計就放過佢,我都唔想咁快GAME OVER.

去到四點幾,今早個message竟然自動揭盎,原來係阿琪佢瞓唔著send message來俾我試下我瞓未,佢個衰妹呀!

7/11:今晚衰婆又收收埋埋,又驚我嬲唔想我知,但最後又俾我知喎,哼,果隻死牛,我忍!而家我既態度係先君子後小人,但唔可以先君子後君子,邊有咁著數呀?!

28/10:食完送衰婆返屋企,路愈漫長,我愈開心,感受下兩個人綬慢地RELAX下,送完佢返屋企,