美女們!好好背包包 調... 打工度假說服父母完全指南最新!外資連續5日買超股 UN報告:暗殺者稱哈紹...
2019-01-21 15:44:53 | 人氣(2,679) | 回應(2) | 上一篇 | 下一篇

【台語方言】節氣佮實景

推薦 7 收藏 0 轉貼0 訂閱站台





海翁台語文學雜誌月刊 第205(2019.01)p.83-84

 
這毋是櫻花簇紅開滿樹叢的實景喔!
 
每年的這个時陣,應該是欖仁滿樹吐新芽的光景,何況立春已經過去。
 
規叢紅記記的欖仁葉仔猶未完全落地,啥時陣才會規叢吐新芽青綠綠呢?何況閣差不多十工著新正開年矣。
 
透早六點行出高雄火車站,看見對面大樓頂的LED燈顯示的氣溫是23℃。好親像猶未真正寒過,怡伶小妹送來冬衣嘛才穿過兩个暗時而已。
 
老大人講:「冬至佇月初,欲寒佇月頭。」這若有準的話,今年過年一定是冷吱吱的。
 
這拄好說明為何欖仁葉猶未離枝落地,時序可能已經慢去。氣象專家講,氣象嚴重變遷,毋是極熱就是極寒,目前南北極冰棚一直咧溶解,臭氧層破洞嘛咧增加(資料有待考證)可能因為如此這般,所以今年的臺灣南部敢若又閣是「暖冬」。
 
中晝過了後,柴山頂有鹽粒飽滿的霧氣,日頭嘛被低低的遮牢的,只是氣溫猶閣佇25℃上下。
 
退勤的時陣行過管理學院,忽然間看見滿塗跤的紅色的欖仁葉仔,這?
 
真正是按呢?氣候變化樹先知吧?抑是發現家己經遲到,正當咧趕家己的行程?看起來今仔日機動班的同仁有通無閒囉!至少明仔早起著愛提早清掃滿路面紅記記的欖仁葉囉。

 

台長: Tellme
人氣(2,679) | 回應(2)| 推薦 (7)| 收藏 (0)| 轉寄
全站分類: 攝影寫真(作品、技術、器材) | 個人分類: 台語方言系列 |
此分類上一篇:春天後母面

(悄悄話)
2019-01-22 14:25:15
(悄悄話)
2019-01-22 15:04:36
我要回應 本篇僅限會員/好友回應,請先 登入
TOP
詳全文