月圓人團圓∼燒烤、月餅... 韓國公認最美的散步步道手機支架!限量出清中 縣市首長避難姿勢照曝光...
2013-03-05 10:47:04 | 人氣(1,685) | 回應(4) | 上一篇 | 下一篇

壁頂的錢筒仔

推薦 6 收藏 0 轉貼0 訂閱站台



細漢迄陣會記得有一工,阿爸唯庄跤鋸一支竹節轉來,講這欲作錢筒仔。阿爸將錢筒仔釘咧壁頂,擱講:「唯這嘛慢慢仔儉,到甲欲讀大學時著有夠啊。」

 

迄咧時陣見若討錢攏是一角銀的時代,生食都無夠擱想欲曝干?有啥人想欲落錢筒呢?

 

到了國中每工愛騎幾落公里的鐵馬去學校,開學了後阿爸互我十箍銀。當然十箍銀毋是所費,阿爸從來毋捌互我錢。阿爸講錢匟咧身軀,萬一鐵馬若破輪欲補卡方便。

 

破輪?奚當然嘛毋是每工會發生的代誌!

 

後來抾著一个真水的小紙盒仔,佇紙盒仔蓋面頂切出一个橫孔,當作錢筒喙儉迄十箍銀。

 

足久足久,紙盒仔裡面干但是迄十箍銀爾爾。

 

到了國中二年阿爸有時陣會互我十箍,但是猶擱吩咐愛簏錢筒仔。迄咧時陣紙盒仔總算開始入數了。但是,這陣鐵馬好親像生目睭開目的款,不時去碾著釘仔。

 

迄工身驅無帶錢,牽著破胎的鐵馬行足久才轉來到厝。

 

開始拍開紙盒每工攏帶錢,落尾紙盒內的錢攏用了了,兩條輪胎也補甲袂補得。

 

到了讀高中愛擱騎卡遠的路,禮拜六中晝嘛袂赴轉去食中晝,阿爸開始互我「零用錢」,但是只有十箍銀有夠食一碗乾麵爾爾。

 

有一工發現卡早迄隻錢筒仔猶擱釘佇壁頂,開始每工若提著十箍著簏入去,心內暗暗咧想若到年底,就有幾百箍會當開。

 

有一工同學相招,講禮拜六中晝放學了後欲去看電影。

 

以前糖廠的中山堂攏會放電影,雖然票價無貴但是規支片攏是鉸甲亂七八遭,而且迄咧座位嘛真歹坐。

 

去市內大戲院看電影從來毋捌試過呢!可是,看電影是愛錢的呀!重點是無迄咧膽開喙共阿爸討錢講欲看電影。

 

錢筒仔裡面有錢呀!家己簏的當然家己會當開呀!

 

可是此時此刻,煞毋敢為著欲看電影好膽去破錢筒仔...。

 

電影強烈的吸引力啟發了賊頭賊腦的智慧。

 

哈!趁阿母佇咧灶跤無閒,提一支螺絲絞,唯礁去的錢筒仔下面捅兩三下,礁去的竹節真緊就捅出一個孔。

 

只是,錢那會一直落出來呢?

 

迄頂高中帽仔已經裝袂少矣,錢猶擱鏗鏘叫直直落出來...原來無簏赫濟呀!天啊!這...到底猶擱有誰咧簏這隻錢筒仔啦?

 

看著阿母正手提煎匙咧看我,會害啦!阿爸若轉來這頓穩粗飽兮!

 

刊載於「海翁台語文學雜誌」第64期(2007.04),p.35

台長: Tellme
人氣(1,685) | 回應(4)| 推薦 (6)| 收藏 (0)| 轉寄
全站分類: 攝影寫真(作品、技術、器材) | 個人分類: 台語方言系列 |
此分類下一篇:來去合歡山
此分類上一篇:騎腳踏車趕火車

(悄悄話)
2013-03-06 15:07:57
淡淡的幸福
看台語文真的很有趣..但是我的程度不好..小小一篇要看很久..難得有一篇我看得挺順的..可是看到倒數第二段卡住了..最後一段有看懂..老哥可以解釋一下嗎?感謝..
2013-03-06 20:10:57
版主回應
哈!是這樣的啦

將竹筒底部捅開 錢當然就掉出來了 自已為聰明的我 趕緊用 高中男生的大盤帽接著 但是原本認為沒存幾次沒多錢 誰知錢卻一直鏗鏗鏘鏹的落下來...那隻麻竹存錢筒 又粗又長 不知誰一直往裡存錢呢(當然是我老爸和我老媽囉)前幾段我老爸不是說讓我存讀大學的學費嗎?
從來沒零用錢的我 那可能存錢呢?當然老人家存的
2013-03-06 20:21:34
淡淡的幸福
哈哈..太有意思了..看懂這段..就了解為啥阿爸回來會有一頓粗飽啦!!
2013-03-06 20:52:34
版主回應
那回當然挨揍了 不過後來 零用錢有增加一點 民國六十三年 高二吧?一天二十塊錢 但不是每天給喔 想到才給 因此 呀 手頭蠻緊的呢
2013-03-06 21:13:51
5656
63年讀高二
還算幼齒
毋免考初中 ^_^
2013-04-14 23:32:18
我要回應
是 (本台目前設定為強制悄悄話)
* 請輸入識別碼:
(有*為必填)
TOP
詳全文