城鄉真的有差距 台東早... 亞洲最大的人工湖水公園愛寶樂園玩幾次也不會膩! OPEC拒川普增產要求...
2013-02-17 22:44:10 | 人氣(3,296) | 回應(2) | 上一篇 | 下一篇

扶起無扶倒

推薦 6 收藏 0 轉貼0 訂閱站台

 

因為某一種因緣,有機會來到屏東萬巒國小。

這間小學佇日據時代起建,目前已經有超過百年的歷史。

校舍已經真真舊,但是猶閣保留著巴洛克建築風格的走廊。行佇老式走廊內底,使人有一種行入歷史的感覺。

走廊的門廳兩爿邊攏有設置公告版,內面有學生的書法作品,嘛有學生為著慶祝百年校慶所寫的文章,以及學生對鄉土人文見識所寫的作品,當然嘛包括美術作品。

萬巒鄉是一个客庄,大部份的人攏講客話,但是因為時代的變遷,新的一代嘛是有人袂曉講標準的客話。

公告版內面有貼著幾落篇客話的俗語,有的真趣味,有的是看攏無。

「食飯時節官都無恁大」,想起來這應該是咧講「吃飯皇帝大」。

「鹹菜形麼人都合得」這句我猶原看有伊的意思,一般吃飯配鹹菜真好落飯,所以任何人攏會合喙,有時陣閣加幾落碗。

紲咧啥是「五熬六撐」研究半晡全無頭緒,問現場的客人朋友嘛攏幌頭毋知影。

這句「發糜花吃狗肉,爛做爛醫。」閣較心適,「爛做爛醫」譜譜仔看有,爛當然是做爛醫,但是彼个食狗肉的發糜花倒底是啥種花?

報兩个客人老師來看,兩个人治遐唸甲哩哩嘮嘮,閣參詳一睏才講:「這句話的意思是,食狗肉的人身體若好,愈食愈好,身體若無好,愈食愈倒。」

原來佮花一點關係攏無!

若共翻做台語真簡單,「狗肉扶起無扶倒」。

各種語言攏有伊的文化背景,認真較體會其實攏有伊美麗的所在。

真像這一句「金錢有來往,感情會打斷」沒錯!時常嘛聽人講「借歸借請歸請,有借一定愛還」請佮借那分袂清楚,終其尾一定拍歹感情。

尾仔這一句上趣味,免解說也會當看出彼个自在的心境。

「伯公樹下十八花,朝朝起來望水花,沒米煮,煮泥沙,沒床睡,睡天下,沒皮蓋,竹葉遮,沒菜食,食樹芽。」

「海翁台語文學雜誌」第90期(2009.06),p.62

 

台長: Tellme
人氣(3,296) | 回應(2)| 推薦 (6)| 收藏 (0)| 轉寄
全站分類: 攝影寫真(作品、技術、器材) | 個人分類: 台語方言系列 |
此分類下一篇:年尾大摒掃
此分類上一篇:電!電佇遮啦!

昨夜微霜
我是客家人,那句我也唸不出來ㄝ
客語文字不容易懂..這可能是推廣的障礙

苗栗客家大院的牆上也掛著好多客家歌謠.跟著唸很有趣.那些都是童年朗朗上口的回憶
2013-02-18 07:59:34
版主回應
各種地方語言都有其有趣的所在
畢竟是種族融合的國家
只要化開族群樊籬 那就更融恰了
知道嗎 台灣國語 聽起捱 比夾雜日語的台語更有趣
2013-02-18 09:14:41
Samatha
台語已是全民運動
台語文字更難
我讀了3便才讀通幾處文字
價哉裡底供蝦米

有趣 !
2013-02-18 15:34:49
版主回應
^_~
2013-02-18 15:36:57
我要回應
是 (本台目前設定為強制悄悄話)
* 請輸入識別碼:
(有*為必填)
TOP
詳全文