細個既時候，Daddy、Mammy管得我好嚴，喊既話只會俾人鬧得更利害，所以我細個好少喊，一年都唔流一次眼淚，成日都覺得自己好tough。
但係人愈來愈大，反而變得更軟弱，個人愈來愈神經質，情緒化，好容易因為一D事而喊，變成一個喊包。不過有時我並唔係喊，只係流眼淚，流眼淚係唔等於喊，就好似今日咁，上Pure堂既時候，兩隻眼變得水汪汪，眼淚不停咁流，點解？因為我好眼訓lor！我一眼訓就會不停咁流眼水，眼水多到真係好似喊咁，哈哈！仲有一個情況我會流眼水，就係個D我覺得好笑到停唔到既野，真係會笑到「喊」！我媽咪成日都話：水瓶座最愛是流淚（因為佢係水瓶座），計我話應該係「白羊座最愛是流淚」至啱，呵呵！
尋日PE堂跳Hip Hop（本來係玩soft ball，因為落雨而冇玩到），教我地個miss好正，跳得好叻！突然令我諗起Save The Last Dance呢套戲，係之前個diary我都提過呢套戲，我好想係呢再分享得深入一D。
呢套戲入面既演員之前我一個都唔識，我只係俾個戲名吸引而去睇呢套戲。最令我有深刻印象個幕係係套戲既尾段，女主角Sara（Julia Stiles飾演）係個audition度跳個part舞，佢本來心理上面因為覺得個examiner唔鍾意佢，再加上上次係同一個舞蹈學校既audition中，佢媽咪因為趕來睇佢既performance，而係交通意外中死0左，Sara更加有陰影，因而跳唔出水準，但係後來男主角Derek（Sean Patrick Thomas飾演）來到試場，俾support Sara，叫Sara唔駛理任何人，當只有Derek睇住佢，最終，Sara發渾得淋漓盡致，入到個間世界著名既舞蹈學校。雖然呢part既橋段好老套，但係我覺得好感人，再加上個part舞真係好精彩，真係好正呀！
其實套戲成個內容都好好，好有意思，除0左講跳舞，仲講白人同黑人之間既問題，係套戲入面有講及黑人同白人之間既愛情（Sara同Derek）同埋友情，亦有講Sara同佢daddy之間既父女之情，Sara由本來唔鍾意佢daddy，到後來因為daddy既support而對佢改觀，真係好touching。
香港宜家都上緊一套關於跳Hip Hop既戲，叫做「給他們一個機會」，係由許志安同EO2做既，好想去睇呀！
文章定位：
