所謂「躝癱」，現今根據其字面意思，就係行唔到路，搞到要「躝」。而「癱」啫係解作癱瘓。查實「躝癱」一詞，喺唐朝就經已出現過，本字爲「蘭彈」，同依家我哋所解釋嘅字面意思有少少唔同，但「雖不中，亦不遠」。可以考究到嘅，係唐·蘇頲嘅《詠死兔》中其中一句「兔子死蘭彈」全詩如下：
「兔子死蘭彈，將來掛竹竿，試移明鏡照，無異月中看。
附：維基百科上面係咁樣寫嘅：
據粵語正字書籍《正字正音》及《AM730》《字正詞嚴》專欄作者彭志銘的說法，躝癱本作蘭彈或蘭單，」，《辭源》的註釋是「疲輭鬆散貌」，清朝乾隆年間成書的《吳下方言考》記錄唐朝官員蘇頲的《詠死兔》詩：「兔子死蘭彈，將來掛竹竿，試移明鏡照，無異月中看。」
該書注：「『彈』讀若『攤』，狀物之死而柔者，曰『蘭彈』。」。
根據以上，
兔子死蘭彈嘅意思即係---形容兔仔死咗軟乃乃嘅樣，呢啲就叫做---「蘭彈」，即係我哋家陣所講嘅--「躝癱」。
續，有關蘭彈嘅重有：
晉 束晳 《近遊賦》：
「乘篳輅之偃蹇，駕蘭單之疲牛。」
唐 盧照鄰 《釋疾文》：
「草木扶疏兮如此，餘獨蘭驒兮不自勝。」
所謂蘭彈，喺唐朝，根本唔算得上係咩嘢粗口，啲詩人重用嚟寫詩作詞。
所謂蘭彈，喺唐朝嘅意思，可以理解爲我哋依家所講嘅「軟皮蛇」。
所謂蘭彈，查實係一個雅言委語，奈何今日不學無術嘅孔乙己既要附庸風雅重要嚟詆毀古人之風雅！
文章定位：
