24h購物| | PChome| 登入
2015-02-28 12:15:36| 人氣877| 回應10 | 上一篇 | 下一篇

唔係用小米；係食小米…

推薦 0 收藏 0 轉貼0 訂閱站台

森伯今次唔係想介紹小米機，況且老人家用的手機，越求其越好啦…但係在飲食上就盡量唔可以太求其，都要有啲啲要求！！平時食飯唔想只食白米飯，有機會都會加些其他穀類，其實好多穀類都可以跟飯一齊煮，只是有時我哋唔食開冇留意，自從煮了五穀飯便會留意有咩穀類可以加在飯內，做個有營健康飯… 如果在十年前真係比較少包裝五穀賣，不過現在的人講求食得健康，越來越多種五穀類應市，食過蕎麥、藜麥、野米…真係十隻手指都數唔晒～小米就係其中一樣…


有小就自然有大啦！大米就係平時食開的白米…通常小米用來煲粥，係有名的小米粥，見到包裝袋上都有小米粥的食譜，煲粥要時間…我就比較簡單用來煮飯，可能小米比較食水，吸取飯裡多餘的水份，加埋白米煮出來的飯好靚！試過會話森伯冇講錯！！……

若果傳媒唔講，真係唔知3月1日是全城有機日…時下都仍有好多人認為有機食品係多餘，只係一啲消費群的消費品！的確有啲所謂有機用品或者食品係幾搵笨，所以就要靠自己的精明眼，精明腦去分析買唔買得過嘞…

所謂一登龍門就升價十倍，以前成日餵雀嘅脫殼小米，估唔到今日要買都唔平，所以有機等如有商機，一啲都唔假…哈哈


真正「有機」食物唔應該只係一種消費品，其實有機生活，只係一種生活態度，歸於最原始、平實的飲食方式！因為森伯時不時都會「機」吓，哈哈…所以都冇特別響應有機日一定要食有機嘢！咁大家又有冇響應吓呢？！！

我要檢舉
#有機飲食#有機日#大米#小米
台長： 森源

您可能對以下文章有興趣

人氣(877) | 回應(10)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
原來以前係用來餵雀~~~~!!
睇森情小品文學懂越來越多綠色生活態度^^
2015-02-28 13:37:29
版主回應
係呀!!睇過資料指小米本身用來作動物飼料...
過獎嘞!!希望畀到gael兄有得著!!
我有時都會從永樂大典中增廣唔少見聞架!!唔係做枚架!!
2015-03-01 14:13:10
搞一爺
喺屋企要做軟飯王，出街至食到糙米飯糰，唔覺好硬，唔覺飯香，唔覺飽肚，都係一嚿飯咁啦！營仔森應該食過好多種糙米，覺得邊種好食？邊種有益？邊種易煮？有乜心得分享吓。
2015-02-28 18:09:47
版主回應
其實好多天然穀糧都唔會有太誇張的香味,入口自然就得啦!外邊未食過糙米飯團...
都冇咩特別心得,或者你試下平時在白米裡加糙米及紅米一齊煮,幾有飯香!蕎麥,小米飯好易煮之前唔需要浸太耐,大麥小麥靭靭地幾有口感...樣樣都可以試下加在白米內,好易搵到啱自已口味!!
2015-03-01 14:24:37
stellaluk
十年前我已經開始吃三色飯，試過點點綠的小米加入白米煑，但有碎沙，不再吃小米了！
2015-02-28 18:36:26
版主回應
十年前我已經開始吃三色飯...咁真係要請教吓師姐~~哈哈
所以我每煮之前都會浸下米,順便過走一些砂及小石,照計XX綠的五穀好少有砂石...所以浸先前會清楚洗淨!!
2015-03-01 14:29:33
愚
我屋企煮飯都會落一些糙米，媽媽話好健康。我覺得幾好味。
2015-03-01 14:57:04
版主回應
有糙米唔錯,有口感之餘亦可以食到飯香!!
帶飯時就一定有糙米飯...
2015-03-02 09:27:51
kakae
小米未食過,三色飯就久唔久會食,都幾好食.
2015-03-02 13:26:45
版主回應
通常白米加什麼有色米...都會令到飯有飯香及唔同的口感~~
2015-03-02 16:55:07
kaka
Kaka變咗kakae添!手誤!:P
2015-03-02 13:31:01
版主回應
唔緊要!!會認得的~~哈哈
2015-03-02 16:56:38
ykk
祝小心森兄得米, 健康有肌, 羊年快樂無窮.
2015-03-03 11:30:12
版主回應
小心森兄?!!...咩意思?!!所講的就承你貴言!!
今個農曆年KK去了避年?!仲未放完假??
2015-03-03 13:52:55
ykk
其實我想講的是"細心", 哈哈!
ykk新年覺得唔好咁羊, 因此ykk生肖刻羊, 所以低調了十天. 和平相處, 哈哈.
2015-03-03 17:31:43
版主回應
"小心"同"細心"真係兩回事呀~~哈哈哈...
過年形式隨人喜歡,各適其式吧!!今個假期都係等等等,等人來拜年
感覺好似等人到老人院探森伯咁XXXXD
2015-03-05 09:01:11
繪畫樂園
有好多食物人同動物食埋同一種野，例如鸚鵡食既葵花籽，人就做賀年食品，鸚鵡就係糧食。有機食物話就話對身體好，但價錢差一大截，我都係間中食吓，如果話有機而又不大清楚嗰樣野係唔係真係有機都唔知，我一定唔會買，以免用貴價買到啲假野，棧激心。
2015-03-19 07:59:59
版主回應
曾經睇過一本書, 說到人類畀動物的食物（營養）價值就最高, 反而自己食的就價值最低的食物…所以有時動物食的東西仲有益~畢竟人也是動物!!!
認同~~唔係所有有機食品,用品都是人體必需的, 睇下呢樣嘢有冇值得用有機先?!!咁先是個精明消費者嘛~~免得浪費金錢之餘又激氣…
2015-03-19 11:04:28
亞U
我真的在用小米機,我二哥在東莞,托人訂...
2015-03-23 05:06:09
版主回應
聽人講,話呢隻小米機幾好賣...
不過森伯冇用智能機~~幾唔屬於呢個世代的人~~
2015-03-23 09:29:21
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文