前言:
近日以老西餅身份參加左ifva的短片course,身兼場務同剪接兩職,得到好多好開心的經驗,就等我對外宣揚開去LA~
關於個course:
唔駛錢有野學,有朋友識,係咪好筍先?唔參加就笨啦~
關於Miss:
謝老師(月娜姐姐)雖然係癲的,暴力的,好好串的,但都係一個好好的miss,因為夠好玩,haha~
關於第一套片:
《一天(A Day in a Life)》,記述了一個人穿梭於舊事物與新事物的生活。
關於導演同編審同茶水:
洛謀係一個好要求高的導演,有佢自己的要求同堅持,甚有王家衛之風,不過,好識慰勞Crew Members~~
關於副導同編劇同場務:
連糕發發係一個好做得野的後生仔,佢似場務多過我.....真係後生可為,對住佢,我不得不認老(偷懶的藉口乎?)佢的積極真係好難得。
關於攝影:
一句~~培英人都係癲ga.....
Carol可以無啦啦叫我做阿媽,唔理自己身為176cm的高人一族,真係唔知點生呢個女好喇,不過,算啦,只要佢唔亂嗌老豆就得喇....
Karen就仲變態,不斷地性騷擾我,仲強吻我添!真係世風日下,道德淪亡,
就算佢再主動都好,我係唔會為佢而停低的,因為,我係一個浪子。
關於場務加剪接加道具:
即係我,應該係最懶果個LA~~不過,我自問都尚算盡責的,記好晒D Time Code,仲搞得掂個剪片programme,同阿媽夾份做的道具counter好多人都話似,可以話,我搵番自己最正經的時候喇,所以,勁自豪law
關於演員:
Jimy係男主角,真係洛謀的好朋友,因為佢好好脾氣,點NG都唔嬲。
Dennis係名女搵番唻的,因為同我地都唔熟,所以....真係悶親佢了。
Ian又係Jimy同洛謀的好朋友,客串之餘,當晚又有幫手,真係唔話得。
後記:
拍片真係好好玩ga~總之,可以令我忙起來,又忙得好enjoy啦,而家打算考完ALevel就拍自己第一套編導之作,大家期待一下啦~~
另,《一天》會參加ifva比賽的,期望...總會有,但不會太大,因為我係一個幾現實同保守的人,嘻~
文章定位: