孖二菠菜 9/7＠尚未設定｜PChome Online 個人新聞台

2004-07-10 02:42:12| 人氣23| 回應0 | 上一篇 | 下一篇

孖二菠菜 9/7

推薦 0 收藏 0 轉貼0 訂閱站台

今日因為有個Q.C.嚟睇貨, 晏晝又去咗鴻星. 今次冇上次咁豪, 但4個人都食咗7百幾蚊, 我跟正條口褔TEAM.

6點幾就走人, 梗係啦, 菠菜生日, 要同佢賀一賀嘅~ 先先去Central會咗陳丞軒先, 係呀, 我今次攜眷出席. 喺Landmark度居然俾我撞到Envy, 佢同個friend啱啱去完Boffy度整頭(我同佢好有緣, 前兩個禮拜喺"香工"都撞過)

跟住同陳丞軒行咗OLIVER, 我最鍾意行supermarket架喇~ 原來我今日有小禮物, 係文華嘅美味muffin, 可以留番聽朝早餐lu~ 仲有買咗盒罕有cereal, 哎唷, 做乜有咁多嘢食嘅, 我唔係瘦咗好多啫!

約咗佢地8點灣仔莎巴食飯, Alizoon同mo mo晨早到咗, 大家都好努力溫緊雜誌. Alizoon起勢咁扮陳丞軒, 笑死人喇~ 因為chunx2, ball choi, yan 同 chuen未嚟, 咁我地就order住嘢食先. 嗌吓嗌吓, 原來嗌咗好多嘢咯! 又拼盤, 肉骨茶, 沙嗲串燒, 雞, 羊, 魚, 菜, 飯, 烤餅. 個waiter重覆我地嘅order, 先知道嗌得咁狼, 無所謂啦, 今日多個boy, 食到嘅. 冇幾耐佢地四個就嚟埋, 可以開餐咯! 阿林chuen個頭太大喇, 成日成為我同ball choi之間嘅obstacle(其實仲有陳丞軒, 不過林chuen個頭大啲, 梗係賴佢架!) 每次講起一齊睇嘅"對她有話兒"中嘅<縮水情人>都忍唔住笑(真係對住"那話兒"囉!) overall啲嘢食都冇話差嘅, 陳丞軒話冇印尼餐廳咁好, 可能印尼餐廳有靚仔啩!.

食完飯就去Little Prince度飲嘢, Little Prince都唔再Little Prince嘅, 冇晒已前嘅country feel, 不如索性改埋名呀嘛~ dessert太漏喇, 嘢飲冇乜特別嘅, 總算地方幾舒服. 個個問起陳丞軒份工, 佢係今晚比較多嘢講嘅時候, 唔...太正經喇, 雖知道我班朋友都唔正經嘅. 坐到12點, 今日就到此為止啦!

我要檢舉

台長：尚未設定

人氣(23) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

尚未設定 尚未設定 0愛的鼓勵 0訂閱站台

孖二菠菜 9/7

尚未設定尚未設定
0愛的鼓勵 0訂閱站台