從前有個養鴿人，佢識左位朋友仔
大家好投契
養鴿人決定送隻一流既信鴿俾朋友仔
表示自己同朋友仔既友好關係
希望朋友仔睇在大家情份上會好好照顧佢
朋友仔好開心咁多謝養鴿人
冇幾耐養鴿人探朋友仔
問下佢覺得隻鴿點樣
朋友仔話 d 鴿肉粗左少少，不過都係你既心意，我都覺得好好食
養鴿人痛心疾首
原來自己所託非人…
且說諸朋久友得閒都會送下禮物仔俾不文人
不文人當然好開心
不過最今不文人欣然既可以話係送書
事關不文人覺送書者都好似養鴿人咁
覺得你配得上 d 書， d 書會令你有得著先會送 d 書俾你
因此
不文人對於哩 d 書都會珍而重之~
其實送書俾不文人者有四
一為父親大人，少時見家有藏書數本，父親大人見余觀而即贈之。凡二本，曰《濃情集》、《水族奇觀》
一為司徒啟蒙恩師，經司徒恩師夫人得知不文人好中古戰爭史、好中古軍備史、好治亂興衰史，家中近代戰爭藏書有餘而轉贈不文人。凡十八本，曰《三國演義》、《Macarthur》、《The face of battle》、《Soldiers》、《Six armies in Normandy》、《The painted bird》、《Saving private Ryan》、《槍言彈語》、《雷霆戰車戰》、《特攻敢死隊》、《野馬戰鬥飛行連隊》、《光榮的英倫三島之戰》、《希特勒最後一戰》、《隆美爾戰車軍團》、《坦克大決戰》、《神出鬼沒的希特勒艦隊》、《空降戰》等。
一為欣同學，聞不文人之《濃情集》陳舊不堪，欲另覓一部以供收藏之用而良久未得，尋而贈予。
四為是日欲言之事…
卻說榮榮同學有志於周易，不文人乞學其下，得榮榮慷慨抽空教授，可惜不文人到今仍未買上海古籍出版既《周易譯注》。榮榮近日北上幫同學掃書未果，但竟不忘為不文人購得此書，不文人實不勝感激，其後榮榮更贈《周易圖釋精典》一書，不文人受寵若驚~!!或曰榮榮買錯書搞到屋企有兩本《周易圖釋精典》先會送俾不文人，但芸芸眾生中俾榮榮揀中，都算榮幸囉~
我唔喜歡食鴿的~
補：幾十蚊本書...
如果話張小嫻既書值四十蚊，咁老莊周易、弗洛依德，應該值幾千萬一本，點解仲只係賣幾十蚊...太令人費解...
文章定位：
