且說不文人9:30番 mango，但通常 7:45 就會起身…
一早起身無所事事，見到有本《飲食男女》嚮梳化度…
奇怪~屋企人不嬲對「食」冇咩特別要求，搞咩有本咁既野?!
噢~以潮州鹵水鵝片做封面，寫住「真功夫 – 潮菜」…
乜咁大頂高帽俾「潮州佬」呀?!唔似「港燦」既做法喎…
受到「自己人」文化影響，不嬲唔多八卦既不文人都拎黎睇睇~
唔唔…講四間潮菜館喎…乜記乜記…「發記」…咦?!琉璃街「發記」~!!!!!!
噢~他媽的~!!!父親大人做野果間檔口喎~!!!
哈哈哈哈哈~~~
我知點解有本咁既野嚮屋企喇~!!!
撚手打開果版黎睇，見到肥發同父親大人既相
仲有好幾版介紹父親大人既鹵水添~
呵呵~父親大人真係好型~!!!
你老味真係好想當年「新華閣」果班「迫害」我老頭既闔家剷 (包括天打雷劈光頭佬、含撚死肥婆同埋姓劉既臭西) 可以睇到哩份雜誌
等佢地知道迫走父親大人係佢地既損失~!!!
至衰「新華閣」自父親大人離開左生意大跌，收左皮…(抵撚死~!!!)
唔係實走去串鳩佢地班仆街~!!!
辛苦左咁多年…短短三版紙既介紹，相信係父親大人既最大回報~
唔….有能力，我相信唔怕被埋沒的~
父親大人老左好多…不過個樣都仲係咁「冇火」…佢為屋企捱得太耐…
哩個責任，幾時先可以等不文人去承擔呢？！
美國奸淫堅：黃皮豬同伊拉克狗都係一樣，都係大亞美利堅合眾國既奴隸，全部都係抵死既低等生物，都係美國神人既玩物~亞美利堅民主萬歲~!!!亞美利堅自由萬歲~!!!
秀茂坪奸淫堅：我就最想做入籍美國，咁我就可以做個真正奸淫人~!!!
阿李sir：你地 d 市民一般都係睇到社會光明既一面，但我地做警察既，就經常接觸社會既黑暗，睇到好多你地睇唔到既野…
豬紅仔：咁會唔會好灰？
阿李sir：我地做警察既，都會有一份責任感同使命感，唔會覺得灰，只會對自己既工作感到自豪~
不文人聽講「轉鍚山」有個「宵看峰」，上面住左個隱士，d 人向佢求教又好，吹水又好，佢都唔會出聲…於是不文人就一早上「轉鍚山」會一會佢~
不文人嚮山頂見到宵看峰隱士，就同佢講：「當年李耳西出函谷關﹐都留底五千字既《道德經》，你今日隱居深山，都留底幾隻字俾俗人好喎~」
宵看峰隱士冇理到不文人，兩人呆坐到黃昏…宵看峰隱士指一指山下既世界…
宵看峰隱士：「對住哩個世界…我冇野好講…」
不文人作一作揖，然後下山。
去到山腰，不文人望一望番山下既世界…噢~己經入黑…黑到睇唔到一切…但不文人覺得好靚好靚~
不文人知道哩度點解叫「宵看峰」…原來係要深宵之時黎觀看景色既山峰~
如果光明所照及既一齊都係醜惡，咁黑暗就比一切來得更美~
文章定位：
