24h購物| | PChome| 登入
2004-05-22 09:58:36| 人氣12| 回應0 | 上一篇 | 下一篇

博物館之旅

推薦 0 收藏 0 轉貼0 訂閱站台

五月十九日 星期三 天陰

哈，我放假景然落雨.....係唔係想死，好在佢都知死下午就停雨唔再落，唔好打破我放假唔會落雨常事,唔係我會發火呀！


　　放假去邊？咪去游水同去博物館玩！哈哈，我發覺自己近排太肥呀，再肥落去唔係辦法.....所以去做下運動減下肥先。嘩！無陽太去游水係會凍死人呀，凍到都唔想落水，一落到水就凍到叫晒救命，凍到我打晒冷震，嘩連聲都變埋游多幾個堂就唔凍呀!快游唔好停!游到十二點幾就出去尖沙咀醫肚，又係食日本菜啦...是但啦都係食下面呀！

　　食完飯出發去博物館玩，本有只係諗住去香港歷史博物館，但係我好想去科學館玩都係唔洗錢啦，幾大都入去玩一次。嘩好多人呀，好多學生同細路走去走。裏面都無咩點改變，呢呢去去都係同一重玩意＆實驗，不過都係好好玩，可能我重係大細佬一個！

　　我地係科學館都玩到唔想走，但係都係要出發去香港歷史博物館。因為我個朋友未去過，雖然我已經去過再去都無所謂啦！新歷史博物館有好多新文物睇呀，最得意係有同原物一樣電車，魚船，舊式商店...等。全部都好得意好有懷舊氣氛。

　　最後一到就去太空館，本來想去睇全天域電影－珊瑚礁，但係睇完就趕唔到番唔到屋企食飯。所以我地淨係入去太空科學展覽廳，原來裏面都好多遊戲玩呀！玩用械臂採 集岩石，多軸椅，模擬太空飛行背包，迴轉椅，全部都好好玩呀！

　　我都唔明公司對情侣星期三可以話唔知去邊好？喂，有咩好唔過唔洗錢又有得玩又有新知識學.....不過人各有志，唔係人人都可以去博物館，會覺得好沈悶，無咩好玩！但係呢種只係一般人錯覺，博物館係一個好好加強個人知識的地方，只要你識得去。又或者係我個人比較悶。

我要檢舉
台長： 太陽豬
人氣(12) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文