是夜？不是夜... ...
16-03-04，應棍決定將星期二上既3個lecture，1個tutorial定為「奪命4課」，朝早10點一直踩到夜晚7點半，真係人都癲… …
尋晚瞓得唔係咁好，可能因為係用新枕頭啦。今日個人好眼瞓呢... …夜晚，去左「樹記」整返餐「入伙酒」，不過阿俊要返工黎唔到呀，今次出席既有：傅碌、比比、Harry、Harry女友、Kobe、貞、Fergus、Corwin、Tracy、Christie、應棍，11個人呀，開心woo。
返到hall又再「狂歡」左一陣，Fergus上左黎hall玩，問麥輝借左盒「大富翁」玩，成班「傻佬」就好有童真咁樣玩到12點幾。之後，去左common room打左陣winning，「歡樂既時間過得特別快… …」唔知點解又去到2點幾喇，沖完涼，應棍要「趕工」，聽日要交份readings既summary呀，做到4點幾，終於都KO左佢。
是夜？不是夜... ...
*********************************************************************
17-03-04，本來朝早要去傾CCIV既，不過group mate突然有野做，唔黎得。上左一堂好無奈既tutorial，又話有video睇，都「坤」人既，成堂都發悶，又打golf... ...上完HRM既lecture，應棍返左屋企食din，又pack左少少物資返黎，最緊要緊係將要用既files帶返hall啦。11點，返到hall，去左4/F common room打winning。2點幾，當我地o係度「鋤D」既時候，hall既警鐘誤鳴，搞到個hall突然變得好熱鬧，雖然明知係誤鳴，唔少人都落左地下「湊熱鬧」，消防隊又好快咁樣黎左woo，最離譜係竟然有人帶相機去影相... ...之後又打機，Harry帶左隻幾搞野既game呀，玩到4點幾先瞓。
是夜？不是夜... ...
*********************************************************************
18-03-04，今日只係得一堂lecture姐。Lunch，同Christie、Tracy去左Garden Café食。之後，搵左Fergus、Apple去左又一城買生日咕俾某某君… …3:30，傾廿三條既present，總叫做傾左個outline啦，之後同子騰、Sophia去左library搵video。5:00，返hall做CCIV，超級求其… …
7:00，出席「邪委會」既周年慶典，3月18日係「邪委會」既成立日子(雖然應棍都唔記得點解係3月18日)，成班「邪惡人」當然要出黎聚一聚啦。今次出席既有：Stanley、成、冼、Man、狼狗、應棍，雖然人少少，不過成班人直情玩到short哂… …我地去左尖咀既「新高麗」食韓燒，重點推介既係「白汁大肉腸」，睇到man食得幾知味就知啦。狼狗黎左先至係我地既高潮，由於狼狗太耐無見我地，所以我地成個對話過程就作左無數個大話黎玩，以下就係我地所編既「大話」：
1. 李嘉輝搞大左Ivy個肚，要奉子承婚，宜家諗緊要唔要墜胎。
2. 早前喇莎既校園暴力事件，令張浩鳴憶起當年「邪委會」既所作所為，搞到張浩鳴要燒灰自殺，不過因為佢唔關少左一隻窗(阿成作既超離譜大話)，所以死唔去，宜家個人就short short地。
3. 肥興o係醫院實習既時侯醫死左人，man又講左個超唔make sense既大話。
4. 應棍尋晚o係hall叫「外賣」，宜家個人變得好open。最扺死係，當應棍講緊電話既時候，成班人又作緊一個「新既大話」，就係話我會去澳洲exchange，點知我只係掛住講，無聽佢地講乜。講完電話，佢地仲講緊，於是應棍好好奇咁問：「你地講緊邊個呀？」無法，全場即刻大笑… …
就係因為呢一個大話露出馬腳，所以狼狗開始懷疑我地所講既野，但係我依然不定咁作大話，例如：江記死左、劉伯樂會close、橋底個籃球場會黎建「馬鐵」、馮聰剪左個「木村頭」… …成班人笑到個肚超痛，眼水都出哂黎。最後，狼狗終於都知道我地所講既全部都係大話。
10點幾，去左海滂「吹水」，繼續講以前既好笑野，又係笑爆… …講下講下，Man同我講，以前「鄭榮之」既人傳得好勁，話我周街kiss一啲陌生既女仔，聽到之後覺得好好笑，因為我發現件事好似傳到唔同哂woo ... ...哈哈。呢啲就係organization裡面講既rum our啦，信不信由你喇。成班人傾到12點幾就散水，勁開心，下次一定要再約出黎再玩。
下半場o係12點再次開始，聽日(19/3)係Corwin生日呀，PSA既同學仔當然要出黎賀一賀佢啦。應棍o係海滂間「7仔」見到林一峰，原來佢好細粒ja，買左8罐beer，應棍到賀。
今次，我地去左旺角Neway唱K，今次出席既有：Corwin、俊、智、大件、Harry、Kobe、貞、Joy、Corwin、傅碌同應棍，又係11個人呀。成晚既高潮係Corwin既「唱作人」表演，將《眼紅紅》同《傷信》重新即興填詞演繹，不過用黎用去都係離不開果幾隻字，大家想像下啦，成班人直情笑到失哂控。唱到4:30，坐Taxi返hall，沖埋涼，6點先瞓。
是夜？不是夜... ...入左hall之後，一日夜過一日，呢啲就係hall live… …
後記：
旺角Neway門前留影。
應棍下個星期又返工喇，又係上次間Torica呀。今次返夜晚6:30至12:30，時間更好呢。另外，星期六、日，應棍會去將軍澳幫人補習，應棍已經不知不覺咁樣跌入「無間」搵錢地獄… …
文章定位：
