05-03-04，第十二日，庶務二課既工作已經接近尾聲喇。今日，應棍9點先返到公司，又係check form，對於咁既工作已經感到相當厭倦… …過左一陣，老闆竟然叫左我地班temporary staff上去28/F扮「臨記」，做佈景板… …因為今日TVB上黎拍《財經透視》，我地成班人就好無奈咁扮囉，有個人問老闆，「可唔可以唔扮？」老闆就好串咁講：「唔做？宜家即刻落返去做野囉！」果一個人仲大膽咁講：「好呀！」佢都講得好理直氣壯… …
扮完「臨記」，又check form。下午就係體力勞動得最多既一日喇，成日都要ｏ係公司周圍走，蹾form，影印… …5:30放工，應棍去左「188」睇5.1 speaker，過多一陣，我就會買一set放o係hall。6:30經過鵝頸橋，今日係「驚蟄」，亦係「打小人」既好日子，應棍只係見到班婆婆打得好起勁，口裡念念有辭，整個橋底頓時變成一條名副其實既「罵街」… …
6:45，去到酒樓同家人黎一個飯眾。今日，應棍另一個舅父同家人ｏ係美國返左黎，所以家人又可以聚首一堂。應棍既舅父係一個畫家，無錯，係畫家。佢已經畫左30年畫架喇，間唔中都會o係美國一鱓藝術雜誌出現，舅父畫既都係「抽象畫」，所以一般人仲係睇唔明既，有興趣既朋友可以到以下網頁參觀一下：
http://www.chatko.us/，舅父同應棍講左好多佢既心態，創作路向，佢話，佢唔鐘意利用別人既方式創作，佢一定要有自己既心思。每一幅畫都係自己一個獨立既expression，好可能只係一個時刻既expression，所以，舅父唔會每日都創作，只要有靈感先會提起筆，將自己心中既感興用畫筆，用顏料表達，有時又會將成筒顏料倒頭塗上大畫紙上… …應棍問舅父到底畫係代表乜野意思，佢話：「有時我都唔知」。藝術家講既野的確唔係咁易明白呢。
另外，應棍都有同自己既中美mix表弟傾計呢，佢只係得12歲，不過就已經好有天份。應棍覺得佢好靚仔架，隻眼好靚呢。雖然佢唔太喜歡畫畫，不過應棍感覺到佢果一份藝術天份，到左現時為止，佢已經出左2本書，雖然都係一鱓寫俾Kids既故事書，不過都唔簡單啦。起碼，應棍到宜家都出唔到書啦。表弟寫既書都係以農場生活為主，以動物作為故事主線，亦會創作短詩。侃侃而談，應棍知道左表弟既生活到底係點樣，的確好舒服，好寫意。其後，另一個表弟黎左同佢傾計，應棍就停左落黎，因為佢地講既都係讀書既野，又講下weapons（美國表弟好鐘意舞刀弄劍），所以應棍都無乜野講。加上個人好tired… …
食完飯，上左婆婆home，繼續傾計，大約傾到12點啦，之後就走喇。應棍今日真係好眼鲻… …
*********************************************************************
06-03-04，第十三日，今日係最後一日返工。又做「庇護」… …入信、入書，咁就過左一日喇，3月尾既時候，應棍可能仲可以繼續做呢份工，到時又可以見到一班同事喇。
話時話，今次返工都學左唔小野，完全睇到一個organization既運作到底係點樣。的確係一堂好好既「實習」，呢間公司最大既問題就係佢地既communication link好不足，而且公司運作既system似乎有少少old fashioned… …今次既工作都係一個幾好既observation既機會。
完左之後，同亞寶食lunch。之後，返左屋企鲻覺，點知sleep過龍，無返到晚堂… …其後，上左hall玩，食pizza，又玩The monopoly，傳碌係今次既winner，因為佢買哂所有既地下鐵站同公共事業。哈哈。相反，應棍就只係得幾千＄淨，仲係得兩片地皮ja… …
後記：
舅父既其中一幅作品。下次，應棍會將舅父講既一鱓分享寫底... ...
仲有呀，聽講話，應棍上次可能「見錯工」，即係恆生果一份呢，如果真係既話，就更加好笑喇... ...
