仔仔(就快一年啦)＠內心世界~｜PChome Online 個人新聞台

2003-10-11 10:14:52| 人氣79| 回應0 | 上一篇 | 下一篇

仔仔(就快一年啦)

推薦 0 收藏 0 轉貼0 訂閱站台

永遠最愛的仔仔 – 雲石倉鼠

購買於 : 2002年10月19日 (星期六)
離開於 : 2003年02月23日 (星期日) – {凌晨一點鐘}

印象最深的事件 :

1. 仔仔憤怒 : - 初初買番來時, 呀sing同我帶仔仔返屋企, 無端端聽到仔仔尖叫, 覺得好奇怪, 之後望一望個籠仔先知道, 原來仔仔比水樽入面既水滴濕左個頭, 不斷尖叫發癲係咁走, 好似非常不滿我地, 郁間屋整到佢個頭濕哂, 場面真係非常攪笑….最後我地立刻拎走個水樽先敢再行….免仔仔又再鬧我地~

2. 特務仔仔 :- 每一次沖涼的時間, 仔仔總是係沙埇入面係咁跳…直至跳到出來為止, 好頑皮架! 當佢跳到上沙埇邊度, 就會用手仔捉住個邊, 然後望一望下面高唔高先, 睇好哂安全啦..佢就會慢慢爬出沙埇…….好似一個職業特務..好小心架~~

3. 貪食仔仔 :- 如果想仔仔乖乖地係沙埇入面沖涼仔..唔跳出來, 只要拎幾粒瓜子比佢食就得架啦!! 不過..要比好多粒喎~~ 如果唔係佢食完一樣會跳出來。

4. 仔仔的最愛 :- 仔仔的最愛, 就係同期買番來的女女, 仔仔好錫佢架~ 我地一捉女女時, 仔仔就會咩都唔理咁咬我地..作最大的反抗…唔想我地捉走女女, 而且…佢係一個好好的男朋友呀~~ 因為冬天時..佢會拎被被去房度比女女架…而且又會攪住女女訓…真係唔親眼睇過真係唔相信….仔仔既風度同細心。

5. 仔仔的最後一次 :- 病左二個星期, 睇左二次醫生的仔仔, 病情一日比一日唔樂觀,行動亦都一日比一日困難~~ 有日女女返左上面間房訓, (係要爬一段路先可以上房), 對於患病在身的仔仔來講, 真係好困難…..不過..佢見女女係上面訓, 亦都不顧一切上去攪住女女訓。場面真係令人好感動~~ 終於相信動物世界, 入面都充滿愛, 特別係非常有靈性的仔仔。

最後一程 :- 雖然倉鼠對於一段人來講…數十蚊就可以買到..是一種好普通的小動物, 不過在我地來講….真係一個無價的寶貝。依一種感情真係錢買唔到, 話過仔仔生前唔可以得到應有的自由…想佢離開我地時比番一個寧靜, 舒服的環境佢……所以我地埋左仔仔係屯門市公園……..有水,有草,有花的地方~~

仔仔離開時非常安靜地係房房入面, 身邊有女女雙伴, 最後放係盒仔入面….內面有仔仔最愛的瓜子, 棉被被, 草草, 同花花~~永遠成為最深的回憶, 留係我的腦海…………………..

我要檢舉

台長：比比

您可能對以下文章有興趣

女為悅已者容-774

減肥大計(791)

八號風球-1577

唉...........-1321

人氣(79) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)