**BALI - 第二天 : 南灣海龜島(1214)**＠內心世界~

2007-08-14 15:31:55| 人氣202| 回應3 | 上一篇 | 下一篇

BALI - 第二天 : 南灣海龜島(1214)

推薦 0 收藏 0 轉貼0 訂閱站台

9/8 - (1214)

第二天行程 - 朝早 - NUSA DUA海灘-玻璃底船觀賞瑚 - 海龜島 - 海龜養殖場 - 自由時間 ((中午醉蝦餐)) - Waterbow Park 泡泡水上樂園 ((18道南洋風味宴))

NUSA DUA海灘一點都不寧靜,原因係好多旅客係度玩水上活動~~
而玻璃底船...查實係sanpan下面有塊玻璃睇到水底炸, 不過感覺都幾得意!!

海龜養殖場好細, 一眼望哂, 出面有當地人鬥雞賭博...(未見過都可以睇下既)
至於入面有數隻海龜, 遊客可以捉住影相..(本人好怕龜...所以企係老公後面, 佢拎住影好啦).....^^
跟住仲有好多古怪動物, 如蛇, 蝙蝠等等...供遊客拎住影相.....
(依d咁恐怖既野...遠望影幾張相好啦)..不太感興趣..又唔係貓貓狗狗...可愛動物~~

跟住番南灣玩自費活動 - (香蕉船, 降落傘, 浮潛, 水上電單車, 飛魚)
望來望去..唯一未玩過既係飛魚...好似好得意咁!! 最緊要係未玩過..正所謂一場來到..點都要玩下既...於是報左名玩依個! 而老公就報多個降落傘(都話左佢本人比較貪反)而我本人就貪新鮮..........

自費活動價目表 :-
降落傘us15, 香蕉船(15mins)us15, 水上電單車(15mins)us20,
浮潛(1 hour)us20, 飛魚(15mins)us30

至於咩係飛魚? 就係訓係架橡皮艇度, 高速用快艇拖行, 直致飛上天空......
遠望好似放風爭一樣......不過最估唔到原本好得人驚架~~ 事關開始加速既時候, 因為在海浪上面奔馳，所以我們會感覺到背部有點按摩的感覺，尤其臀部最明顯.....個一種感覺好恐怖......但係但係升左上天既時候, 真係感覺好似飛緊一樣....所以真係好好玩..........抵收咁貴!! ^^

同場加演為左等貪反老公玩降落傘, 一個人係碼頭呆等, 暴哂不得止...仲要比當地人嚇親......係咁問人係唔係japanese?? 一於扮睇佢地唔到, 以為無事, 點知無啦啦後面有個當地人行埋來....拎住部電話行去我面前....問可唔可以同我影張相?? 簡直係嚇親...勁say no.......究竟想點呢? 比比相唔係人人可以擁有........人地人地好保守架~~ ^^ 老公一返來梗係撲上前巴巴巴講頭先有幾驚啦...點知佢勁笑...........>.< 衰人...衰人.....

比意想中好的一餐中午飯, 10幾碟菜(樣樣都好好食)...^^
特別係牛柳粒, 正呀~~ 食完開開心心出發去Waterbow Park 泡泡水上樂園...

場內有大, 小locker租用, 還有租毛巾服務。更衣室比香港游泳更為乾淨...(或者始終係旅遊區)...

換完泳衣開始出發去玩滑水, 場內有幾款滑道, 同老公勁玩勁玩.....拎住水泡周圍走.....跟住沿樂園有條長長既lazy river, 岩哂d懶人坐係水泡上面飄浮, 好寫意架~~ 玩完之後去左swimming pool游陣水, 有個水中bar仔...幾特別!!

綜合來講依個水上樂園非常唔錯......地方環境乾淨, 又唔係太多人, 唔駛點排隊...感覺一定好過返大陸......又逼人又無咁衛生。

p.s. if泳衣後面係扣的話, 請小心...事關玩左唔可以用水泡, 訓係度玩既滑道, 一衝落來...哈..哈..個扣甩左....幸好無人係度...而且自己一手按住炸...^^ 經過依次教訓...下次一定會著綁帶款~ 哈

夜晚食18道菜...碟碟細細的, 好多款..岩哂我!! ^^

返完酒店已經累到暈.............簡直係嚴重透支~~
第二朝7:30morning call...........>.<

我要檢舉

#旅行

台長：比比

您可能對以下文章有興趣

訂機票+shopping-1644

London eye-第六天(136)

我的二天假-1706,1707

第一日旅程(city tour)

人氣(202) | 回應(3)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 旅遊篇 |
此分類下一篇:**Bali - 第三天 : 激流+spa篇 (1215)**
此分類上一篇:**Bali-第一天 : 兜兜轉轉搭飛機篇(1213)**

回應(3)