2004年1月20日 星期二
琴晚同Joanna傾電話傾到點幾就收線,因為佢好眼訓同攰,之後我都諗住訓啦,點知痴線架,果腦不停係度轉,勁多野諗,唔知做乜,訓唔著咁,所以就打俾Adam啦,因為佢係自己人,同埋我知佢未訓,如是者同佢傾到三點九先訓啦................
今朝訓到11點半先起身,起身落樓下食野果陣,Joanna就打黎firm實我出去行街,好耐都無同Joanna行街街啦,傾左幾分鐘就約左俾大家一個鐘頭梳洗,話我出門口果陣就打俾佢啦,之後我就打埋俾Adam,因為佢話佢都出,點幾我就出門口啦,點知出去果陣落雨,迫我帶遮,Shit,本來諗住拎縮骨遮,點知Joanna姐話我拎佢唔拎喎,一把遮兩個人用,所以一定要拎長遮啦.........出到去Join埋Joanna,點知Adam哥又遲到,要我地兩個等,等到兩點攪掂哂先出去,去撘車果陣見到老豆,老豆就好好人咁『照』埋Joanna同Adam上車啦,佢地咁就有免費巴士撘喎,咁都得架喎..........出到去Joanna話肚餓,先去食野,食完就由潮特開始行起,行左好耐,Joanna睇中左個袋,不過佢考慮下,所以就去左第二度行,跟住龜頭Stephen就Join埋我地啦,行過2%,見到半價就入去睇啦,Adam就係咁睇中左條褲同買埋,之後我同Joanna就返返去潮特買返果個袋,之後就去信和啦。係信和ready上去之際,係後面有人叫『Patrick』喎,我寧轉頭望,原來係阿峰同餅乾,嘩哈哈哈哈,咁都撞到......傾左兩句就走啦,之後我同Joanna就先行左去商務到睇下有乜買,因為佢有50蚊既coupon,我地最後買左本『犯罪心理實錄』既書,買完又係『chip之堡』等Adam,之後係果度行左陣,行完行去瓊華果陣,Adam撞到佢既朋友仔,咁我地就分手啦,我同Joanna就去左瓊華行啦,佢終於買左條深藍色牛仔褲,我覺得佢著得都幾好睇架........
買完再行多陣就走啦,因為我地要去太子果間Ikea,因為Joanna要買窗廉,不過去到行左陣聯合,俾我買左件紫色短Tee,之後就行Ikea啦,行行下真係好想裝修我屋企,不過都係等我U graduate返黎先啦。Joanna最後都無買到,因為Ikea既窗廉唔岩掛係佢屋企,之後就行埋花園街,行完就去左大家樂食飯啦,因為Joanna想食一哥焗豬排飯,食完之後就撘車走,好凍啊,得9度咋.........送埋Joanna返屋企就返屋企啦,一路行一路好凍.............
文章定位：
