2004年1月16日 星期五
琴晚成兩點訓,今朝10點就起身,因為約左三姑姐飲茶,好耐都無同過姑姐飲茶,起身梳洗完整左好耐頭就出去,點知出到圍門先醒起,我今日係跟阿媽車出,要帶頭盔..................去到老豆都放食飯啦,一齊飲,期間姑姐無啦啦俾左500蚊我,話俾我過年喎,姑姐好客氣啊,咁我又多左500蚊啦,不過都無用,我仲爭阿媽500,cover左.............飲完之後就落去Levi's幫Adam換褲,之後去左千色買野,買完就返屋企,途中落雨,Shit.......返到去整下手提,入返中文入去,整整下都6點幾,就沖涼出去啦,因為約左Rachel,Kelvin同埋Vivian係旺角唱K,我先去左天耀俾返條褲個粉腸,仲打左兩鋪機先走,又俾人炒.........打完就撘車出去,我又遲到,攪到Vivian等左我好耐,Sorry囉.........不過我見到佢果陣我仲無奈,哈哈哈哈,Vivian下次唔好係街咁啦.......之後Join埋Rachel同Kelvin,差D唔認得Rachel,因為佢剪左頭髮,都OK啦,我覺得以前好睇D.........我地去左Neway唱,因為我由今朝11點幾飲完茶到見到佢地成9點,我都冇成過野,都肚餓,去到Neway叫左佢地好抵既8蚊Set Dinner,叫左個泰式酥皮咖哩雞飯,好大『兜』,我食左一半就好飽無食到啦...........唱到11點到,Joanna打電話黎傾左半個鐘就收線,怪怪的咁,可能我心多啦,但係我好似唔知講乜好咁,Dead Air多左..........唱到十一點九就散啦,唱左120蚊,好肉痛......之後我地三個陪埋Rachel去搵車佢既人,佢就好啦,有人車返屋企,我地三個就好無奈咁送佢走啦,我都叫Vivian快D搵過個車佢返屋企架,哈哈哈哈哈.......之後我地就分手啦,心情突然好Upset,唔知點好,撘巴士果陣同Vivian傾左好耐電話,由佢係旺角上車傾到佢返到太古城,我都仲可以未到天水圍,灰...........我無直接返屋企,去左天耀陪Adam食宵夜同埋傾下計........期間Sam Ho岩返黎吹左陣水,之後點九到就返屋企啦...............
P.S. Rachel唱『怯』同埋『愛』真係好聽啦,好有感情啊,完全代哂自己入去咁,嘩哈哈哈哈哈哈...............................
Kelvin見到我話我塊面瘦左D,嘩哈哈哈哈哈....................
今晚同Vivian傾左好耐電話,好耐都未試過,我又知道佢D野多左啦.........點都好啦,你做乜野決定我都會撐你架.............
打俾Vivian之前,打俾Ivy,佢又唔聽我電話,佢真係好忙啊,可能我阻住左佢做緊D緊要野啦,入夜喎...........嘩哈哈哈哈哈
今日睇新聞話New York果邊爆凍,凍到係-29C,唔知Joyce點呢? 佢咁怕凍...................
我呢排成日都係度勁多野諗同勁胡思亂想........................好煩
(記得三年前我都開心過現在........................................)
文章定位：
