相遇第一日...
我係一個F.5 0既repeater,好幸運原校肯收留我,
repeat 0既生活好不容易過,0係學校唔想太張揚,都唔敢太嚣張,自覺得自己唔係一個叻0既人....
平淡0既生活令我養成左無聊0既習慣,會同同學講一d低能野la,行街0既時候會留意街上面0既人la,尤其一個人搭村巴返學,等車,搭車都係一個人,真係冇咩野做.
麗城0既人真係千奇百怪ger,單係講搭村巴0既人,就可以令到人目不暇給,有一個勁似李心潔0既廖寶珊學生la,有一個金毛0既杜文澤la,有一個行路祼祼多姿0既肥仔la,有一個成日踩屎0既荃官女生(我見佢一個禮拜踩左三次ger,好驚),重有一個好得意,每次見到你都一定同你點頭打朝呼(就算你面唔係向住佢佢都要伸個頭向你點頭)0既低form同學仔....
雖然我自己都覺得我lee種周圍望,取笑佢地0既行為好無聊,但係我深信ger,一定會有人同我一樣咁無聊,一定會有人留意過我,可能覺得我乜咁mk ger,可能覺得我點解會咩到個書包咁低ger,又可能會覺得我d頭髮點解會咁旱ger,機會微d但係都有可能會覺得我都幾靚仔ger喎^_^"""(嘿嘿嘿)
入秋喇,天氣變得有點冷,咁0既天氣加上一個人0既路途,都真係會有d寂寞,可能因為lee種心情0既影響,我今日早左起身,大概係想快d見到學校0既同學,想舒解呢種心情,今日我七點一就上左村巴,對於一個曾經一個學期遲到過三十三次0既學生黎講,七點一lee個數字可以話係神蹟,七點一0既村巴,氣氛有d奇怪,車上冇踩屎女生,冇李心潔,冇早晨f.2生,平時人等車0既現象變左今日0既車等人,車0既坐位上面,想搵個人都難,莫講話要搵個藉得留意0既奇人,唯有寄情0係窗外面0既景物,村巴要開喇,窗外突然有個黑影閃過,係一個有一把電左0既金色頭髮0既女生趕村巴,見到佢0既第一眼,無聊0既好奇心又湧出黎:咦,究竟係咩學校ar??個頭髮攪成咁都冇人理??當時0既我因為身在男校,唔知到原來男女校係可以電髮ger,一堆堆疑問湧現0既一刻,我發現lee個女仔坐左0係我旁邊.
......er,唔知你地搭車有冇咁0既習慣0既呢?如果駕車好多位的話,我一定會揀一個冇人0既位,就算係冇得揀,都一定唔會揀一個同自己不同性別,而又年齡相約0既人坐0係隔黎,總覺得很不自在,但係0個個女仔冇咁做喎,我唔明白ar,我唔明白點解佢d頭髮會咁金,我唔明白點解佢可以電頭,我唔明白村巴上面咁多位,點解你要坐0係我隔黎呢,係因為你太趕時間??係因為你唔會覺得不自在??一或係因為...我真係好多問題想問佢,但係突然佢起勁咁將個頭狂fing,又不停咁搓自己d頭髮,我0個一刻真係比佢駭親,然後緊係覺得好好笑,當然,我冇笑出聲,但係心裡面覺得lee個女仔都幾神經病,幾得意,幾特別,幾.......靚ger喎,坐0係佢隔黎,冇覺得唔自在,同人分享一張兩人坐位,冇覺得苦辛,相反,有一種舒服,開心0既感覺...
lee 日就係我遇見佢0既第一日....
分手第一日...
今日係我同佢分手0既第一日,
天氣同我遇到佢0既第一日一樣帶有微涼,仍然係帶比我一種孤獨0既感覺...
琴日電話入面0既內容仍然深刻在腦,貓比我0既藥睇黎已經失去效用喇,夜晚訓得唔係幾好,發左好多個夢,全部都有佢0既存在,其中一個係咁ger.
0係夢入面我地仲係0係埋一齊,屋企裡面一個人都冇,終於有人返黎喇,仲係兩個添,好奇怪,lee兩個人竟然係佢同埋我媽,佢地買左好多餸番黎ar,打算聯手做一餐勁0既比我食,中途佢不斷咁同媽講話佢唔識煮餸,話要教佢煮飯,嘿嘿,好攪笑,好開心.
醒左,我覺得我自己一定係笑醒左ga,諗番個夢,咦,發現lee d都係我地以前一齊諗過0既生活,記得佢成日話我0既晚飯唔係人食,記得佢成日話要黎我屋企食飯,記得佢成日話要彈我媽煮0既餸菜,記得佢成日話......嫁左比我之後要煮好野比我食,唔洗我再食垃圾,我真係想呢個夢永遠都唔會醒.
起身後,望住佢送比我0既鐘,九點半喇,好想訓返落床,好想發番頭先0個個夢,但係已經訓唔著喇,因為諗起佢,記得lee種鐘總係比我時間過得很快0既感覺,我曾經一邊對住lee個鐘,一邊0係電話同佢講:時間真係行得好快ar,我同你原來已經一齊左好耐喇喎,好多謝你個鐘ar,佢話比我聽同你一齊0既時間係會過得特別快ger,所以我望住呢個鐘,我就會覺得要好好珍惜同你一齊0既時間ger喇.
一諗起當時0既一番話,又立即諗起同佢一齊0既時刻,一諗起同佢一齊0既時刻,眼淚又再一次流出黎,禁唔住,翼都唔想禁,知道淚腺係冇人手操控ger,知道只有不停工作,淚腺先會自動關閉,所以就立即攞本a.maths 書出黎不停咁計.
計緊數時,又忍唔住諗起佢,諗起佢叫我努力讀書,話唔係就養唔起佢,當時我真係唔係當lee個係一個笑話,努力讀書,有中六唔升,某情度上都同佢拉上關係,到分開左,努力好似已經冇左佢本身0既意義.
到五點鐘,心情仲係未平伏到,我想搵個朋友傾,但係我已經冇自己0既朋友喇,我發現兒家我最親0既朋友,都係佢0既朋友,上網icq,想搵個朋友傾傾,咦,呢個我好耐冇同佢講過野喇喎,一黎就同佢講呢d野會唔會好唐特呢?咦,呢個都唔知我同佢之間0既野,佢幫唔到我ger喎,咦,講得0既全部冇online 0既,緊係la,人地要返學ger ma,好似你咁咩??覺得自己放得太多落去lee段感情度喇,二人世界聽落似係完美,但係到二人分開後,就會變左一人世界,只會令自己進入一無所有0既景況,我最friend 0既人就係佢,真係有一段時間想打比佢,為0既唔係想求佢番番黎自己身邊,而只係想佢以一個朋友0既身份去叫佢安慰我,但係,我唔敢...
為左唔想自己亂諗野,我出左荃灣,諗住打機行街可以令我暫時忘記佢,走入機鋪,坐在部keyborad前面,彈彈下,見到隔黎位空空的,記起我地以前由唔識0玩keyboard,到0玩成個keyboard,內心唔舒服,機鋪對我黎講唔係一個好地方,我未0玩完三首歌已經唔想0玩,走左出機鋪,行街有用嗎?一個人0係街上面遊走,已經好耐冇試喇,感覺很差,走上每一段都令人諗起佢,千色店,有佢成日都話靚0既"米米鼠"(係佢話一定要讀米米鼠ger,^_^),有佢同我睇模型0既鋪頭,有我地經過一定要食佢0既豬頸肉0既地方,村巴站,一個我同佢第一次對望0既地方,一個我地每日一齊返學會經過0既地方,萬亞,我地一齊因為"他媽哥池"頻撲0既地方,我頂唔順喇,荃灣對我黎講都唔係一個好地方,我知道佢今日會去沙田補習,我決定到千色店0個個巴士站等,等每駕48x黎0既時候,望入車入面,希望佢會坐0係其中一駕上面,我由七點九等到八點八,每一駕車我都唔放過,偍係都等唔到佢,可能佢未返,可能巴士有d角度我望唔到,可能佢根本冇去補習...我好想打比佢,睇下佢會唔會返左屋企,但係如果佢真係返左屋企咁點好?我可以同佢講d乜呢??我唔敢,我唔想再聽到佢講話佢唔鍾意我,同我一齊好辛苦呢d野,最後我一個人上左駕48x,當然上面冇佢la.
我好掛住佢ar,我已經冇見佢一禮拜冇見佢喇,好苦辛,我只係想見佢最後一次jer,但係我諗我冇機會...
今日係我同佢分手0既第一日...天氣同我遇到佢0既第一日一樣帶有微涼,生活一樣孤獨,我一樣係個獨人,但心情同我遇到佢0既第一日...
8月11日晚
相片來自:阿po
文章定位：
