24h購物| | PChome| 登入
2006-06-17 21:10:45| 人氣13| 回應0 | 上一篇 | 下一篇

掃興

推薦 0 收藏 0 轉貼0 訂閱站台

6月17日 (星期六)

今日, 俾個net fd約o左出去食lunch. 唸住大家食下飯, 行下街咁啦. 落雨落o左差唔多四個禮拜啦, 我都冇咩行過街, 黎兩日剛剛天氣好番, 好想去行下街啦. 嘩, 今次已經係第二十六個啦!

本來打算去尖沙咀, 但唸唸下, 都係旺角好d, 因為我唔知尖沙咀有d咩行. 1:40pm 出到旺角, 佢早放工, 點知佢又未到, 走o左去佐敦睇衫...... 等佢一陣, 終於見到佢啦. 大家見果時, 個情景都几搞笑, 我地通住電話黎搵大家, 初初佢話見到我, 但我就未見到佢, 未搵到佢係邊喎! 點知佢以為見到我, 原來佢係認錯人! 我繼續企係度等佢搵我, 突然間有個人係我後面行到我右面o既身邊, 我咪令個頭去右面望下佢, 佢咁o岩又令個頭去左邊望下我, 我見到佢係拿住o左個電話聽緊, 而我都係. 大家都係聽住個電話o既姿勢, 大家對望住大家一陣. 我直覺話我知, 應該係佢啦, 但係我又唔敢出聱. 佢終於出聲"喂"我先啦, 我見住佢"喂"我, 我就好自然咁"hi"番佢. 就咁樣, 我地就相認o左啦!

佢冇意見去邊度食, 咁就由我黎話事啦, 我選擇o左去"洋蔥舍", 因為我覺得果度d野食都几好味, 價錢又唔貴, 個環境又舒適, 最重要就係黎個時間度度都好多人, 要等位, 我唸果度比較少人, 唔駛等位, 快d有得食呀! 緊係想快d食野啦, 兩點几啦, 想餓死我咩!

點知食食下lunch, 有電話搵佢, 原來係佢公司打電話俾佢, 要急call佢番公司. 唉, 冇辦法啦, 食完lunch, 佢就番公司做野, 我就自己一個係附近行下, 行o左一陣, 都冇買到d咩, 就番屋企lu, 掃興...... 唯有下次再約過啦!

------------------------------------------------------------

PS. 原來佢就快生日啦, 可能會搵埋我去一齊慶祝喎! 預祝你生日快樂先啦!

我要檢舉
台長： 生蠔仔
人氣(13) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文