24h購物| | PChome| 登入
2004-09-08 11:35:44| 人氣55| 回應0 | 上一篇 | 下一篇

Balalaika

推薦 0 收藏 0 轉貼0 訂閱站台

尋日同朋友一行五人去左呢間位於諾士佛臺既俄國餐廳食飯.

呢度既環境都唔錯, 一邊係餐廳既裝修, 而另一邊係好有農村感覺既長木凳, 整間鋪頭既燈光都偏暗, 而且一陣有歌手表演, 到稍後時間仲會行到每張檯同客人一齊演奏.


若果唔鍾意熱鬧同埋嘈既環境就唔好去啦, 因為完全聽唔到人地講野架.

食物方面, 我地點左九樣野.

1 ) 五個唔同既麵包
2 ) 芝士焗大蝦菠菜
3 ) 鱘龍魚湯
4 ) 羅宋牛尾湯
5 ) 南瓜忌廉湯
6 ) 俄式奄列
7 ) 基輔炸雞卷
8 ) 串燒什錦
9 ) 鵝肝醬煙鴨胸

麵包都幾軟熟, 不過裏面既肉碎或者草菇都只係一般, 整體都只屬普通.

芝士焗大蝦菠菜既味道唔錯, 可以話係全晚最好食既一味, 雖然用左芝士焗, 但係就無話漏既感覺, 再加埋菠菜整得好入味. 正~~

三個湯方面, 鱘龍魚湯太腥同埋鹹, 所以係最唔好飲ge; 羅宋牛尾湯只係一般, 同一般羅宋湯無乜分別, 只係多左少少既牛肉絲; 而南瓜忌廉湯就比一般忌廉湯為稀, 但係南瓜既咪道反而令到成碗湯好甜, 可以一試.

俄式奄列用一個好似pizza hut 裝 pizza咁既兜裝住,同一般食開既好唔同, 反而比較似蒸肉餅. 而味道亦只係一般.

而基輔炸雞卷就只係將雞肉用炸粉包起黎炸, 但係出黎既咪道唔錯, 而且雞肉亦都好滑. 值得一試.

串燒什錦方面, 所有既串燒食品都會係檯邊淋上伏特加再燒一次先上檯. 呢個什錦上面既雞脾好難切開, 味道都只係一般, 反而豬肋骨同其他肉類既味道就唔錯. 正.
而且仲送左一杯伏特加添.....

鵝肝醬煙鴨胸方面, 由於我係唔食內臟既, 所以唔知好唔好食, 但係朋友就話唔錯, 值得一試.


五個人食左咁多野都只係$759, 可以話係抵呀~~~

我要檢舉
台長： 域旗
人氣(55) | 回應(0)| 推薦 (0)| 收藏 (0)| 轉寄
全站分類: 美食情報(食記、食譜、飲品)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文