尋日 可能係呀雯姨姨最可慘的一天...
講你都唔信 一個11個月大gei彤彤bb 會搞喊咗1個18歲的姨姨.
係咁gei
尋日 我哋兩公婆都未收工 無人去湊b女
呀雯姨姨好乖咁應承咗幫我哋去育嬰園接呀女返屋企.
我知道之後 都有小小擔心..
因為呀姨係第一次自己去接b女..又唔識路..
幾經辛苦 最後都去到目的地.. 但係 惡夢就喺呢一刻開始啦.
由b女喺離開育嬰園一刻 b女一直係咁喊..
仲喊得好慘嗰隻.. 呀雯姨姨買咗個旦糕俾b女都無用..
b女唔知做咩唔肯食...
可憐呀雯姨姨 由坐巴士俾嗰d三八師奶話佢唔識湊細路 唔俾個b女飲水之類.
一直話到忍唔住落車 坐的士 的士佬又話佢顧住講電話..
(實程佢係打俾我哋兩公婆求救)
歷時近一個鐘 終於返到屋企了...
我哋兩個返到去 b女唔見咗(原來婆婆見b女喊 帶咗佢落街等公公返來)
只係見到呀雯姨姨好淒涼咁喊.........
而呀雯姨姨話: 無理由佢唔跟我架 我前幾日仲同佢玩得好開心.....嗚嗚.
呀雯姨姨 b女的記憶真係好短暫架咋...
我只可以講 唔好嬲b女啦
見到呀姨受了委屈 我都唔知講咩好.
請你食條粟米啦 好唔好..?
呀雯姨姨 你唔好嬲啦.... 請你食我的孖條呀..
好好食架
飲杯水先... 喊咗咁耐..HEHE
見到呀雯姨姨喊 嚇到我呆咗添....