相信大家拍過拖的朋友，都聽過/講過一句：「你對我已經唔係好似以前咁喇......」的經典金句。

　以前，係幾時？

　我拍拖時追你，梗係十八般武藝出盡，睇星星，去海傍，整蛋糕，買戒指.......

　做少一樣，我都覺得對自己唔住。

　做少一樣，另一個追你的強強即刻有位可以入我。

　做少一樣，您可能已經被追你的強強係下面入左。

　

　追到你之後，唔好話叫我製造浪漫，我連同你傾個電話都嫌嘥時間。

　因為，我知道你講來講去，都係身邊o既是非八卦野。

　因為，我知道我同你愈多溝通，我愈大機會被人發爛渣。

　因為，我知道你想我做返以前個個，懶係體貼，懶係溫柔，懶係窩心的男人。

　在男人眼中，拍拖，是不快樂的。

　因為拍拖，

　我要忍受同女朋友大熱天時汗流浹背咁行街......

　我要在夜晚晚時拎大量訓覺時間去傾電話......

　我同條女出街食飯時廚師煮得唔好食，但係我被人鬧......

　我要忍受同條女去戲院揀戲睇時，條女話是但得啦，但到買飛後卻，條女卻發脾氣話佢唔鐘意睇呢套戲......

　故此，男人不喜歡拍拖。

　在男人眼中，媾女，是十分愉快的。

　因為媾女，

　我很享受同條女大熱天時行街，而我會溫柔地抹去她額頭上那汗珠的甜蜜感覺......

　我很享受她夜晚晚時告訴我：「她很掛念我，想臨睡前聽一聽我的聲音。」這些傻氣的說話......

　我很享受出街食飯時，廚師煮得唔好食，而我告訴她：「下回我會煮一頓美味的法國菜給妳吃。」這種美麗的承諾......

　我很享受去戲院睇戲時，她不喜歡看那齣戲，但她依偎在我旁說：「只要跟你一起看戲，我甚麼戲都喜歡看。」的窩心說話......

　所以，男人十分喜歡媾女。

　唉，回歸現實......

　條女今晚又同我講：你對我已經唔係好似以前咁喇......

　男人們，我們碰杯，為這一句專為女人而設的.......

　你對我已經唔係好似已前咁喇......

　

相關片段：黃子華－〈新鮮，保鮮〉

http://www.youtube.com/v/-TaHxfS3-bg&;hl=zh_HK