人愈大，愈唔鐘意聽人講野。

　其實，由中六中七起，我已經唔太聽屋企人的意見。

　因為，當時我重讀中五，佢地唔撐我。

　我收到會考成績單時，我打電話問老母：「可唔可以俾我重讀？」

　佢係電話到答：「你唔好嘥時間啦！」

　我個時同我而家一樣，好撚硬頸，其實，我個時真的是他媽的雄心壯志想搏多鋪。

　點知，佢一野打沉左我。

　自此，個一年，我同佢講野唔多過十句。

　個一年，我讀書時間多過白領返工的office hour.

　個一年，我發覺，人不能倚靠別人，好多野，係要自己搞掂的。

　放榜個日，我好開心，因為我第一次憑自己拎到自己想要o既野。(我無自大呀！)

　亦由個日起，所有自己o既野自己話曬事。

　直至現在，我老母都唔太記得呢單野。

　但我，卻好記得，十分記得。



　亦可能係因為呢單野，所以我好唔鐘意老母再同我講關於錢o既野。

　其實，我理智上絕對明白老母驚個筆錢俾左我讀書，最後衰左，會等於丟錢落海。

　但情感上，我卻會問：呢個係咪我老母黎？(順帶一提：老豆同兩個阿哥都偏向反對我重讀，不過，這不是重點)

　錢，對我阿媽來說，十分重要。

　我，亦明白錢，在我家中每個人心中，佔着甚麼位置。

　就是因為我知道，所以我覺得他們好撚自私。

　可能，這樣看來，我有點像二世祖，但二世祖跟我的分別是：(屌你地！)我未撚見過一個二世祖零用錢得咁少錢囉！

　

　我入左大學後，我阿媽重用啲好嚴厲o既方法管我o既財政狀況。

　佢管我兩個阿哥的錢管得十分仔細，但我不願跟兩個阿哥一樣。

　我返工時，一出糧就會拎啲俾家用。

　但我唔願意，戶口有幾多錢都俾曬我老母知。

　我唔想我用左啲錢去邊都要同人交代。

　這不是反叛，這是他媽的自主。

　如果，要我學兩個阿哥咁，我寧願，將所有錢放係餅乾罐到。(唉，咁同拎綜援有咩分別？)



　分清楚，我寫呢篇野，唔代表我唔愛我老母。

　我好愛我每一個屋企人(當唔講錢時)，我會願意奉獻我能力所及的。

　但係，講到一啲涉及我原則，踩到我自主o既層面上，坦白說，係老母都無面俾的。



　老母，我愛。自主，我也愛。

　但如果講到錢，就要黎個六親不認的話。

　媽的，不要再說甚麼「你點對人人點對你」「屋企對你已經好好」的冚家富貴爛柒廢話。



　有啲野要搞清楚。

　我火滾，係因為老母一講錢就唔同左樣。

　而不是，我本身唔愛我老母。

　我唔鐘意老母一講錢就變樣，只係咁多。

　Is it clear?

　(兩年後我出黎做野，可能要摺撚左個blog 佢，事關呢個blog 披露左我太多私隱)