〈你們都是公主，但我們不是王子〉
男人怎樣看拍拖？我敢肯定，如果佢地無賓州，佢地一定唔會再望女人，唔單止唔望，重一見到女人，就吐篤啖，講一聲：挑！
拍拖，小弟經驗唔太多，但係都俾身邊不少朋友耳濡目染，概略知道拍拖係咩一回事，因而有小小領悟。
男同女拍拖，係一件非常複雜同麻煩o既事。因為十個女仔，有九個半係會搵自己條仔麻煩。
最經典句子：(我極度建議女仔們諗下，如果條仔咁講，你會點答？)
1)「你覺得我今日有咩唔同？」
2)「你知唔知我諗緊咩？」
3)「食飯去邊？不如你話事啦....(板長？)又去板長食壽司？唔好啦！」
4)「你記唔記得今日係咩日子呀？」
5)「咦，你近排好似同邊個邊個好熟咁喎！」
遇到呢啲問題，男人心中，一定，(係一定呀！)會係心中暗屌一聲，然後推砌笑容，唯命是從。
我建議大家以後遇到呢啲問題，應該咁答：
1)樣衰左。
2)鬼知咩？
3)咁呀，去食元氣囉！
4)國慶？
5)係呀，我重同mary, amy, daddy, gigi, 佢地個個都好熟好啱傾添！
香港大多數女仔都係一種唔知由咩構造整合出黎o既生物，總係要睇你仆街先安落。
其中一招是：比得上滿清十大酷刑的－發脾氣！
而發脾氣呢家野，又有分regular，和irregular的。(老實講，一個月裡，真係無乜幾多日子係好過的)
Regular個啲，即係廿八日就黎一次，每次總係唔知乜野事就會俾條女省到一面屁，最後佢自己就唔會say sorry，重要條仔氹返佢，先解決到件事個啲。
Irregular個啲，即係得閒就試探下你呀；問下你，我有咩唔同呀；叫你拿主意去邊度食飯；懶係親切地問你今日係咩日子呀；扮曬關心咁問你身邊有咩女仔呢排行得埋個啲。
只要，三十秒內，你答唔出佢滿意o既答案(通常答錯的機會有99%)，就發脾氣，玩單打。
例如：你答唔出佢今日有咩唔同，佢之後個一日o既約會啲對話內容就變成：
「(親近地)你睇下個商場裝修得幾靚！」
「(生氣地)個商場唔同左你就知，我唔同左你就唔知！」
「(違背良心地)唔係呀！我知呀，你靚左囉！靚過林嘉欣呀！」
「(野蠻地)咁你即係覺得我之前唔靚過林嘉欣囉！係咪即係話我樣衰呀？」
「(再次違背良心地)唔係，你不嬲都靚過林嘉欣，不過今日靚得更多！」
「(打蛇隨棍上地)我至憎就林嘉欣，成日扮可愛扮淑女！」
「......唔好咁啦......(媽叉你個姨媽個家姐個阿爺個阿公...@#@)(#@）」
如果遇到呢啲情況，點樣可以拆招？老實講，小弟堅係唔識拆。畢竟，我覺得，女人發脾氣，係等同你阿媽發你脾氣一樣，是無敵的。
有時，男人拍拖，真係只係想輕輕鬆鬆，開開心心，簡簡單單又一day的。
但係女人，總愛將件事複雜化，將大家搞到僵曬，搞到鬧交先安落。
所以，我一路都唔鐘意拍拖。因為，拍拖俾女朋友發脾氣，我會想報警，我會想上法庭告佢虐待。
幾時先會轉變？我諗，直到有一日，張小嫻不再出書教香港女仔做港女的時候，便是可以回頭的日子了。
唉，講開張小嫻，個本書，真係...唉...《我們都是公主》......無言。
假設香港男仔都是王子，我地又點會介意你地係公主呢？
個問題係，呢個年代，我地既唔係王子，又唔係富翁，更加唔係出氣袋，點解又要要求我地咁多野呢？
坦白講，男人要求o既野好多時都好簡單，一個字，靚，基本上係殺曬。
但係女人們有時又唔誠實，個頭話只係想搵個對自己好，個頭又話最好有埋錢啦，再跟住又話如果專一唔花心踏實可靠孝順唔臭脾氣事事以我為先.......(講左成日)咁就最好啦。
簡單問一句，你要求咁多，咁你又覺得自己有咩條件吸引到個咁好o既男仔先？
靚，你靚唔靚；波，夠唔夠大；性格，夠唔夠好。(首兩樣是最重要的，性格好沒有極大的用處)
諗真啲，如果三樣都無，好端端又點會有白馬王子搵上門先？
Don’t get me wrong.我唔係話有要求唔好，畢竟有要求可能係代表擇偶謹慎。
而且，基本上，我係認同唔應該刻意去降低要求的。
不過我又講個事實你聽，根本就係有啲要求過份左。
1)有錢：係香港搵錢有幾難，你知唔知？
2)事事以女朋友為先：點解我乜都要就你？(同學話因為我係男人，所以要盡量遷就。你地諗真啲，男人除左多條撚，重有啲咩唔同？)
3)踏實：踏實就好難有錢，你自己揀吧！
4)唔駛好有錢，但最好有樓有車：戇鳩！有樓有車都唔叫有錢？
5)同佢一齊唔好太悶：你想條仔做歡樂今宵，right?
6)有主見，但係亦都會聽我意見：唔聽你意見，就叫唔重視你；聽你意見，就叫無主見。咁你玩埋我個份。
7)有耐性，脾氣好：對住女朋友有耐性，脾氣好，其實用另一個演繹方法，即係要做一個好好的出氣袋，我鬧你唔反擊，我發脾氣你要氹返我。
8)上進，願意承擔：上進？點解咁似我媽媽講啲野咁？！願意承擔？點解咁似老闆請我啲條件咁？即係，佢而家聘請我做男朋友？既然係咁，點解無糧出。
(不一一解答了，有點累......)
我覺得，有時，做人個女朋友，只要能設身處地，(嘥氣啦！你咁講同叫啲中小學生俾心機讀書有乜柒分別呀？)好多爭執，冷戰就唔會發生。
有空，多讀論語。有空，多聽孔夫子的說話。有空，多照鏡。有空，不要再問：你有幾愛我或你鐘意我啲咩？
這樣，大家便會好過一點！(至少，我會覺得好過一點。如果發完我脾氣，重鬧我，你估我好想發你脾氣呀？我只會答：下？你唔係以為你唔想呀？凸-.-凸)