8月11-13日(星期一至三) 晴雨

d三日小弟與爸爸和弟弟回鄉兩天，分享如下!

星期一，晨早先搭港鐵出旺角東，之後往麥記食早晨全餐+凍奶茶，之後便往太子搭4小時巴士往開平，到深圳灣口岸，由於奧運關係，袋內所有物件都要檢查，去到開平12時30分，之後表哥接我們先往他們家食飯(見到表伯，表伯母、表哥和他的一子一女!)，有鹽焗朱，是油雞和豆角呀，之後見到表哥個仔和女家中已有電腦，大家生活富裕了，之後便回家清潔屋企，期間執拾賽馬資料(睇《刨績王》回味無窮，晚上出去康達超市購物，之後食西餐，揚洲炒飯+火腿炒蛋+珍珠奶茶($16) ，平+飽! 回家睇奧運男子跳水後便睡覺!

星期二，中午與爸爸和弟弟上表伯家食飯，有臘腸和鹽焗雞好味，之後表伯帶我們往購書中心，弟弟原本想買《開平縣志》，但本書太厚加上又重($390一套2冊) ，最後無賣，之後往咖啡店食牛扒+奶茶($50) ，飽! 食完回家睇奧運籃中國vs西班牙，結果加時中國輸波，灰! 幸好之後中國女子跳水，男子團體體操、男子舉重廖輝和劍擊仲滿奪金，很開心，晚上往快而美食公司三文治+凍奶茶，好味!^v^!

今日上午與爸爸，弟弟和表伯往國富城飲早茶，小弟又勁食，2籠燒賣，1籠香茜餃、1碟叉燒腸、1籠粉果，還有蓮蓉飽，咸水角、蝦餃…. 每人都係$30，爽! 之後要表伯駕車載我們往義祠汽車站，結果只需3小時便到深圳灣口岸(點解回程快過去程! 期間見到有新開的免稅店，爸爸有煙買，哈!^v^之後便於太子下車，辛苦爸爸，弟弟和大妹先將小弟物品取回家(謝謝!) ，之後便搭港鐵出尖沙咀圖書館逛書，之後便搭船出中環，先往圖書館逛書，逛完諗住途經IFC接Joanne放工，點知發現好多警察，d玻璃碎哂和地下勁多血跡! 驚驚!^o^(回家睇新聞得悉原來維修吊床倒下歷到4個途人! 期間與Jennifer傾電話) ，之後便會合Joanne往半山扶手電梯拍$2機(謝謝Joanne替小弟換《刨績王》，多謝妳!) ，之後便往大家樂食叉燒紅腸飯+珍珠奶茶，食完便搭港鐵送Joanne返筲箕灣後便回家，回家睇中國女排體力不繼負古巴，頹1最後與Joanne和Joyce chat MSN後和newspaper cutting後便sleep(今晚開始睇《刨績王》! 謝謝Joanne完成《傷健迎奧運》工作表)

P.S: 《歌潮. 夕韻》香港粵語流行曲的發展展覽(5月1日): 三十二之十三: 好哂呀!