南之私心事 很久沒有打日記了,各位賞面不妨看看呢!

38愛的鼓勵 0訂閱站台

星期六.....嘉穎神奇地有時間同我去街~~^^"

點解話「神奇地」？因為佢星期六多數陪A小姐架...

今次A小姐要拜年遮.........^^"

 

本來話去尖東行街....點知mandy約左嘉穎落同銅鑼灣行街...

好彩我六點半到銅鑼灣佢地啱啱行完~

一見到佢....佢話︰好攰呀....又唱K喇...>.<

（佢都幾慘...成日都要就mandy）

之後就同佢去食壽司啦...

食緊野既時候....佢話喺美國試過自己開海膽....

咩野女仔黎.....-_-"

 

食完飯...去左皇室堡行街~好似返學校咁呀....

佢喺度猛咁影薯蛋頭....好開心咁....

買左啲衫....佢請我去starbucks飲野.....

一飲就飲左個幾鐘啦....佢同我講左好多佢屋企既野

 

搭地鐵送佢回家....我同佢講︰我覺得你重視你朋友多過重視你男友...^^"

佢都OK快咁話︰唔係呀...

到站.了...我地無再講呢個話題...不過佢有幾刻無出聲....

因為去街去到好夜.....我十二點幾先返到屋企....

---------------------------------------------------------------------------

星期日...八點幾就起身陪阿媽去姨媽度.....呆滯.....-_-"

十點上到去....飛飛仲係幾有禮貌.....^^

姨媽同我講叫我比心機做野...（我已經好比心機.....^^"）

仲有好多婆媽野啦...

 

之後飛飛要去港運城附近補習...我同媽媽...姨媽...飛飛搭的士送佢返學

我請埋佢地食飯~~好開心既一日!^^

-------------------------------------------------------------------------------

星期一.....一如以往朝早返去排位

不嬲好難攪既阿恒好似想挑起我把火咁

當然EQ勁高既我好快就攪掂左佢..（雖然我慶慶地）

攪到佢一句聲都無得出...

我心諗︰比你食得住我...我仲係你阿head？

 

其他同事︰阿南好野~~~

 

之後我叫佢地做野...唔好再講無謂野

 

間唔中係要處理下呢啲事架喇....

我覺得老細都好似忍忍地佢咁...不過佢挑起老細把火就拜拜架喇..

老細笑騎騎放毒蛇....你條傻仔又知唔知丫死蠢...

-----------------------------------------------------------------

前排向connie姐請教左一啲買基金/債券既知識.....

自己都要學下.....總要有一兩樣穩陣既投資工具既

--------------------------------------------------------------

希望阿儀唔做份咁辛苦既工之後

可以接得到佢媽媽既生意....即使就算唔得

都可以搵到一份好工...起碼唔駛再好似之前咁咁辛苦

不過最緊要...都係想佢保重下自己身體