南之私心事 很久沒有打日記了,各位賞面不妨看看呢!

38愛的鼓勵 0訂閱站台

尋晚見到/聽到朋友的朋友......感動流淚........

我一早話左我係個好易被感動的人.....

 

今朝返工.....就好似神不守舍咁.....

同事叫我...我都係就咁"倚"應下...

根本都唔想出聲....

同平時既我真係好大分別....

因為心情實在麻麻地.....

 

做完上晝既工作....依然覺得集中唔到精神咁....

 

直至嘉穎的來電......

講左一輪野之後....

我:今年返黎開唔開心呀...?

穎:好開心呀!!^^~~比以往更加之開心~~真係架..

我:hahaha! (成朝第一次笑咋)

穎:我個喼過重呀...尋晚成晚執野....有d野要拎黎拎去...

我:拎起個暖水袋丫嘛...好似咁大個咁...

穎:ha~~唔得wo~~我要帶埋過去wo!!haha~~^^

我:hahahaha!!^^

 

最後返返到公司....我send左個sms比佢....

"無論你去到邊度....我都會對你咁好架........."..........

 

同嘉穎傾完計...心情好返晒!

因為佢話今年最開心...我已經覺得滿足...起碼付出過既努力無白費到....

 

收工後....望住個天.....十分落寞....心想.....

"嘉穎已經離開左香港啦...我要搵佢就要飛出呢個天...."...

 

我真係好唔捨得佢....

不過唔緊要...佢話比我知佢開心已經勝過任何野...

而且...我更加發覺...

佢講一句野的確好過其他人講一百句...

佢一句野已經令我開心返啦....^-^

 

講d野比大家知..

其實佢今次返黎..佢都對我好左ga...

我之前無0係呢度講過...

 

有一次同佢行將軍澳...我同佢講...

我:有朋友話我成日剩係陪你食甜品...好似好悶喎....你會唔會覺得悶架...

對唔住呀....我已經好努力陪你多d啦....

穎都幾大反應:傻架!你咁夜都肯陪我...我已經覺得好開心架啦...

而且你要返工架嘛...唔通希望你同我去踏單車...去行山咩...?

你咁攰都肯陪我已經好滿足啦...唔好理其他人點講...

我自己知道就得架啦.....知唔知呀.....

 

我都已經好開心佢會咁講....

 

另外有一次....

我同佢0係尖沙咀搭巴士返屋企...

途中我真係好攰....訓著左...

但係訓訓下翟醒左...細細力搣左自己幾下...

穎:haha~做乜唔訓呀...

我:傻妹...難得你喺我隔離...我就咁就訓左去...咁咪好嘥囉...

我會珍惜同你一齊既時間!我唔想你第時走左...我會後悔...

穎望住我笑.....^-^

 

其實每一年佢走左...

我都係好唔開心架...只不過我唔會講出黎...

以前我唔想朋友們再為我擔心啦...

 

而家唔怕勒...我講比你地知...

其實以往佢走左之後...

我有時都會去返將軍澳...懷念返同佢一齊行過既路..

懷念返同佢一齊既日子..........

我諗今次都唔會例外.....

(呢件事...嘉穎最近喺封信度已經知道左....)

 

對唔住...又令你地擔心...

 

講番d開心野比大家知道啦!

我早前幫公司用零成本去宣傳...

已經收到效用啦...

有八千幾人瀏覽過..

而且仲有讀者上黎公司大讚.....

 

我唔係寄望果八千幾人買晒自己張報紙...

但係八千人入面...只要有一百個買....

咁我地已經賺左啦...零成本宣傳wo...

最緊要我係想增加我份報紙既知名度...

咁不單可以鞏固到自己既客源...

仲可以去吸納睇開其他報紙既人去轉睇自己張報紙..... 

 

不過最緊要...都係要貼士好~如果唔係..做乜宣傳都無用...

今日同事問我:呢個專欄而家咁出名...我地咪要特登去諗下擺多d實力馬落去?

我:唔駛~要好似平時咁做..因為如果你特登去諗...就會有壓力...

有壓力既話就會變左唔中架la..ok?最緊要順其自然...冷熱都唔緊要!

同事:阿南真係愈來愈勁~~

 

金融海嘯都唔怕~最緊要識用腦!

我要我份報紙喺經濟唔好之下依然起紙~~

 

^^~~我一定要比心機呀...

如果嘉穎將來應承我...

我都要比到一個美好既將來比佢架嘛....

我唔可以比佢捱苦...

佢已經有好多時間唔0係我身邊架喇...

我一定要對佢好...彌補返失去既時間...

(以上的都係幻想居多......)

 

 

聽朝香港時間六-七點佢就返到美國啦...

會朝早打黎佢....