南之私心事 很久沒有打日記了,各位賞面不妨看看呢!

38愛的鼓勵 0訂閱站台

尋日本來十二點已經要到粉嶺火車站..
點知一樣要維持我地屋企既傳統..
就係遲到勒...攪到十二點四先到...-_-

去到之後..二表哥話佢問過d差人..
話今日無車上和合石呀!!!>.<
唔係咁下話...咁咪即係要行上去囉...

好彩風和日麗..都無落雨..
咁都好d..一路行一路行...
公公喺和合石山頂..我心諗..做咩咁高架..
唔諗下d後人既.....-_-

行行重行行...
熱到傻左呀....行左一個鐘到..
我問:仲有幾耐架..
大表哥話:行左二份一到啦..
二表哥話:喂..有白車呀!!!(望住我講..)
扮暈丫不如!!!咁咪可以上車囉!!
我話:係都車落山啦...車上和合石就大劑啦..
二表哥話:咁又係喎...-_-

之後爸爸話..有條捷徑..可以快d到..
點知...仲衰過行舊路......-_-
d路仲要危險好多tim.....

之後我..家姐..同兩個表哥都話某一個地方係..
但係我老豆點都話唔係..
我地四個唔信..周圍搵..點知真係唔係..
大表哥話:姨丈..我地考下你咋!!!
我..家姐..二表哥話:係呀係呀!!!!
之後一齊笑...
(覺唔覺我無乜提我姨媽同媽咪..因為佢地墮後好遠..)

搵左個半鐘之後..終於到啦..
我問:四點未呀?!
大表哥話:兩點八咋傻仔!!
我話:吓!!兩個幾鐘咋?!
大表哥話:仲唔夠呀...-_-
大表哥話:咦?!電話轉左中國移動既?!
我話:近大陸丫嘛傻仔!!你望下深圳..
大表哥話:係喎...

hahahhaha!!拜完之後..
驚險既野一鑊一鑊咁黎...

我老豆話唔好行返條舊路..
試下行新路..因為行舊路耐..

唔知做咩我地又聽佢講..跟住佢行..
點知又行上又行落...
(ps風景又幾靚架喎!!haha)
點知...........行到某一個地方...
人地話行唔到落去架...
要行返上四百級樓梯上去再落返黎...
嘩!!!!>.<

點知..行到四點咁滯..
終於都到返以前果度..
咁行新路做咩...-_-...
大表哥話:條捷徑都幾長吓喎...
阿爸:............

之後行行下..有的士呀!!!!!!!
hahahahaha!!!不過得一嫁..
姨媽..媽咪..家姐同爸爸就上左車!車去婆婆度..
(ps我而家呢一刻諗返起...
嫁的士四個人咋喎!!!!點解唔叫埋我上車呀...-_-
媽咪話”你地三個 (ps~我..二三表哥)都唔望我地..
我地以為你地行ma....”
做咩咁攪法.....

之後同兩個表哥一齊行落山..
中途一嫁的士都無......

之後二表哥請我地飲汽水..
原來汽水咁好飲架....^^

大表哥問:幾錢罐呀?
二表哥話:十蚊!
大表哥問:十蚊三罐呀?
二表哥話:十蚊一罐呀!!!!
我:哈哈哈!!白痴仔!!百佳咩...
hahahahaha!!

...一路行落山...
二表哥同我講馬...
我過關中左一場呀...仲差一場就收錢!haha

終於行到婆婆度...舅父舅母同細哥哥都喺度勒..
我見到婆婆勒...拜果陣同佢講..
”婆婆我加左人工呀!!!haha!!”
”我下年帶個人比你睇丫!!haha”

咁...見到婆婆張相...悲從中來...

拜完五點咁滯...
之後一齊搭的士去上水..
轉車去屯門伯伯屋企食飯...

一上到屋企..呢世都唔慣婆婆唔喺度~~

二表哥話:咦!過埋尾場收錢啦~
我話:係呀!!!hohoho~~
我行左出到露台..
望住個天...心諗:婆婆你走左幾個月啦..
喺上面生活過成點呀...雖然你唔喺我身邊..
但係我知道你會支持我做所有事架..”...

之後行返入去屋..
尾場就跑啦!!
跑到中途我已經知實過到關..
之後跑到最後一百米..
我大叫”友誼至上”!!!!因為我用佢做膽..
全層樓都聽到...haha~~我姨媽話”作死呀!!”haha

之後隻馬真係飛到咁上黎..贏左!!haha

我收七舊水呀~~買九十蚊咋喎..
hahaha~~~之後我唔知做咩講左句
”嗱嗱..拜完婆婆就贏錢啦!!”hahaha
姨媽話:都話婆婆最錫係你啦!
hahahaha~~所以我有時覺得..婆婆雖然唔係度..
但係身邊既人都咁掛住佢..
我呢排喺事業上面既成功..都多得婆婆的保祐..
所以喺我心目中..佢一路都無走過~

之後六點半就食完飯..返屋企lu!

攰到散晒..無諗過拜山變行山架..
返屋企..睇左陣向世界出發..
就訓lu~haha!!