對話
對話 I
晚上十時半左右，A與B身穿睡衣，面對面躺在床上。
A：「我鍾意左我個同學陳敬曦。」
B：「係啊！佢叫陳敬軒呀？」
A：「陳敬曦啊！」
B：「SORRY SORRY，佢靚唔靚仔鮁？」
A：(雙手托腮，眼珠閃閃)「都幾靚仔鮁！白白淨咁啦！」
B：「咁~~ B哥哥靚仔D定佢靚仔D啊？」
A：「佢靚仔過B哥哥一百倍！」
B：「嘩！一百倍！咁真係好靚仔喎！」
B：(稍停，看到A眼中充滿憧憬)「下次見到佢，你話我知邊個係陳敬曦。」
A：「好啊！」
B：「咁快D訓啦。」
A：「唔！」
對話 II
B正在執拾屋企，A在B附近閒著。
A跑到B身旁，嘗試吸引B的注意。
A：「我同個男仔拍左拖十年啦！」
B：(驚喜地)「纒！係咩？」
A：(肯定地)「係啊！」
B：「嘩！十年啦！(稍停)咁你地點識鮁？」
A：「我三歲時，一月返學果時見到佢，二月開始拍拖囉，我地拍左拖十年啦！」
B：「咁佢叫咩名啊？靚唔靚仔鮁？」
A：「佢叫做阿光，光光，佢D朋友叫佢做阿光囉。(急忙補充道)佢係非洲人鈬嫁！」
B：「纒！非洲人鈬嫁！咁妳地點溝通啊？妳同佢講非洲話啊？還佢同妳講中文啊？」
A：「我同佢講英文。」
B：「英文！？係咪講GOOD MORNING，HELLO，BYE BYE，I LOVE YOU咁啊？」
A：「係啊！如果我急尿呢，我講TOILET佢就明鮁啦！」
B：「呵！係啊！我明白啦！」
對話 III
A在床邊等待，並不斷催促B，B正在查看電郵。
A：(拿起電話便說)「哦！唔！咁好啦，無野啦！BYE BYE！」
B：「妳同邊個傾電話啊？」
A：(語氣活潑地)「哥個男仔話佢唔同我拍拖啦！佢識左第二個女仔，要同我分手喎。」
B：「纒！佢唔同你拍拖啦！咁妳點算啊？妳有冇唔開心啊？」(B繼續查看電郵)
A：「無！算數啦！」
B：「如果妳有唔開心，記得話比我知，等我同妳傾纒偈，琑番妳開心。」
A：「哦！」
(A稍定，再提起電話)
A：「係啊！哦！咁呀…星期四晚？我唔得閒啊！(稍停)唔緊要啦，無野啦，BYE BYE！」
B：「邊個打電話比妳啊？」
A：「哥個女仔打比我，佢約我星期四晚食飯，我話我有野做，唔得閒，第日先啦！」
B：「係咪同妳以前個男朋友拍拖哥個女仔啊？」
A：「係啊！」
B：「妳唔嬲佢咩？」
A：「唔嬲啊。」
B：「咁妳打算點啊？」
A：「咁我咪蹾過第二個男仔同我拍拖囉！」
B：「妳記得如果有唔開心就同我講啊！」
A：「知啦，你覺唔覺得你好長氣啊！」
(B暗笑)
註：
A – 我五歲大的女兒；
B – 我。
文章定位：
