Mavis & Jeff's Private Corner This is a private place for Mavis and Jeff.

1愛的鼓勵 0訂閱站台

@v@ ~~ 終於影完我地既第一輯婚紗相喇~~

一切都算順利... 需然係辛苦d... 不過過程都幾開心... 最遺憾係冇一個最好既狀態去影... 表現唔到最靚既一面... >.< 老公就幾靚仔~~ =) 希望影出黎d相ok啦~~~ 好緊張呀... 下星期有得睇喇~~ 但亦都係第二樣煩惱既問題... 到時都唔知點揀好 =.="

又唔知好唔好再去日本影好 ... 心情好矛盾 ... 又想快d save多d有自己既家庭... 但又想用d錢去日本影下相..好似好開心咁... 老公又好似冇咩所謂咁... 但又唔想好似所有野都由我決定咁... >.< 有時又唔係好想成日提住結婚d野... 好似比緊壓力老公咁... 好似吹佢快d娶我咁 + _ + 但我唔提... 老公就真係一d都唔會提... 成日都唔知老公點諗... 或者佢心目中既婚禮係點 ~ 比我感覺佢一d都唔急... 到時結到就結... 佢唔講.. 我就assume佢負擔得起... ~ 話就話下年年尾應該冇問題... 但事實上係點好似一直都只有空想而已~ 老公好避動既性格令人覺得好冇安全感... 亦令我諗起佢既過去~ =(

對我而言, 都係一般女仔既諗法, 一生人一次, 盡量都想做到自己想要的~ 但我知道世事一定唔會完美... 而且我好明白我地budget有限... 所以我都會堅持同老公一齊努力, 一齊付出, 我唔介意老公既身份背景, 只著重佢既心, 只要佢係真心愛我, 真係有努力付出過, 我再付出多d我都唔介意, 我明白老公起男仔既角度睇係唔想女仔出錢, 但始終係我地兩個之間既事, 只要我地開心就夠~ 只係想大家認真去計劃, 有d咩大家講出黎一齊相量一齊解決~ 唔好等我問一問你就答一答...推一推又諗一諗~ 兩個人之間既溝通係最重要的~

期望結婚係一件開心既事,一件可以拉近我地距離既事, 唔想變左係一個煩惱, 或者成為我地之間既障礙~