星光.月光.日頭光 天暗的時,感恩有星光.月光.照阮的窗仔門;天光的時,期待有日頭光陪伴阮 ~寫部落格記憶走過的痕跡,分享一點心得~

585愛的鼓勵 1訂閱站台

誠久無貼文章á　!

最近受風颱影響,菜貴參參!毋過,作穡人mā無趁著!

我的菜園,近年因為熱人過頭熱,無時間tiānn去沃水,只好種１寡卡毋驚焦sènn命力卡強的植物!所以卡無受風雨的影響！

兩禮拜前發現１欉lian-lian,詳細kā看原來是病蟲害造成的,趕緊檢查所有的花欉,kā有蟲的kòo樣的葉á鉸鉸掉,竟然有１大袋!蟲á講起來mā誠厲害,葉á１拗,著是１間厝,１个會用得安身立命,生湠後代的好所在!

這張相片是隔壁的洛神花破病kah誠傷重!

佳哉,現此時我的洛神花危機總算解除loh !

洛神花勇健起來,已經開始欲開花結子loh！


我的洛神果醬kap鹹酸甜有希望á！