中二果時,我識到你,記得第一次請你食既野係m&m's 既朱古力,中二入左E 班,第2日返學就已經好留意你,我覺得你好靚,我果時覺得你係好聰明,好靚既女仔,有時我會係咁望住你,但係當你既眼神好似就黎望到我既時候,我就一定比你更早閃開同你對望,第一次拎你既電話係早會,果時排隊同你係隔離,所以我好易就拎到,有左你屋企電話果晚即刻打俾你啦,仲估唔到,我同你第一次傾就通頂添,之後既每晚都有傾,傾好耐,有時會眼訓到唔知講咩,有時仲要好細聲咁講添!!同你熟既原因算係幾特別,果時你係幫我追你個friend,我又幫你同你男朋友!!唔......果陣,我同你除左友誼之外,無其他!
我唔想再講呀,本來我係好想寫晒我同你之間既事,但係...我諗除左開心既事寫出黎係有用,唔開心既.....寫黎做乜.......中二同你拍既拖係好開心,日日都傾電話,同你出街.....我好驚架,我驚自己著得唔靚,驚襯你唔起呀,又驚帶唔夠錢,又驚做既野悶,對住你既自己,好無用架,對住你,我好自卑無信心架!!!!
同時,同你傾既每一個電話,見你既每一次,我都開心,我都會不停咁笑,成日出街我都不停望你,望到你炆又好,唔俾我望又好,我都會望你,多過講野,因為見到你,我好開心!
第一次錫你竟然係巴士上面,幾多號,坐邊,後尾轉左位,中途有烏蠅入左巴士,坐到中途我地見到熟人,仲要縮低唔好俾人見到...拍拖睇戲要唔俾人知,約埋朋友,入到戲院要靜雞雞拖手...去左太空館行,雖然無興趣行,之前又行過,但係你拖住我行,大家好近,近到無距離,果時好開心..
11月果時既開心,我完全記得,但就因為記得開心,而家我好痛,真係痛,我入大埔去搵你,食雞粥,你俾我聽歌,其實.....上去你屋企,我已經知道你搵我既原因,上得去你屋企,只要你一開口,我一定會答應你既,因為我等左好耐既機會,我唔想錯過,亦唔會放過!果晚再次拖到你既手,我覺得好幸福呀,因為同你拍拖,唔係我一個願望,一個理想咁簡單.....同你拍拖,真係咁短暫....?
我想你做我一世既女朋友呀,可唔可以呀?!
開心,我俾到你,好生活,我俾到你,被愛既感覺,都可以俾到你!
文章定位：
