最近的我真的累爆。
星期四去上堂，早左差不多一個小時，霸頭位都唔使咁早去課室。所以我就去了課室對面超大的一個電腦室到嘗試 login 我個 account。查實，攪呢個 login account 已經係上年o既事，每次我都 login 唔到又趕住上堂，所以一直都無理佢。
入到去，個 help desk 竟然小休十五分鐘冇人睇水。一如既往，我都係冇法 login。我唯有問坐o係我對面的鬼婆。佢十分好人地話我知佢都係o岩o岩先 login 到，仲俾埋張 instruction 我叫我試。我照住張 instruction 試左都係唔得。那我就同鬼婆道謝，話我仍然 login 唔到。點知鬼婆十分 nice 地坐埋o係我隔離，話同我一齊做一次，結果都係唔得。我見時候也不早，就同鬼婆講我要上堂啦，唔攪啦。
誰知道鬼婆o係我正要離開前同我講左句︰「keep trying！don't give up that easily！」
我心裡覺得非常的感激，因為有個陌生人，在我最累也最需要一點點安慰和支持的時間，送上這樣的一句說話。我會繼續努力。
文章定位：
人氣(36) | 回應(1)| 推薦 (
0)|
轉寄
全站分類:
不分類
